ضلع تغذیہ کمیٹی کی میٹنگ، غذائیت اور بچوں کی بہبود کی اسکیموں کا جائزہ

علی گڑھ، 29 اگست (ہ س)۔ چیف ڈیولپمنٹ آفیسر یوگیندر کمار کی صدارت میں وکاس بھون کے آڈیٹوریم میں ضلع تغذیہ کمیٹی کی میٹنگ منعقد ہوئی، جس میں بچوں کی بہبود اور غذائیت سے متعلق مختلف اسکیموں کی پیش رفت کا جائزہ لیا گیا۔ میٹنگ میں بتایا گیا کہ مالی سال 2026-27 میں یکم اپریل سے 27 اگست تک پردھان منتری ماتر وندنا یوجنا کے تحت 10 ہزار کامیابیاں درج کی گئی ہیں، جو مقررہ ہدف کا 54.3 فیصد ہے۔ ضلع میں 3,039 آنگن واڑی مراکز کے مقابلے 2,798 مراکز فعال پائے گئے، جن کی مجموعی کارکردگی 92.07 فیصد رہی۔

جولائی میں بچوں کے وزن اور قد کی پیمائش کی کارکردگی 99.62 فیصد رہی، جبکہ مئی سے جولائی کے دوران مجموعی طور پر 802 بچوں کی غذائی حالت میں بہتری درج کی گئی۔ سی ڈی او نے غذائی قلت کے شکار بچوں کی مسلسل نگرانی اور مؤثر علاج کی ہدایت دی۔ انہوں نے نیوٹریشن ری ہیبلیٹیشن سینٹر (این آر سی) کو ایئر کنڈیشنڈ کرکے مکمل صلاحیت کے ساتھ چلانے کے بھی احکامات دیے۔ جولائی میں این آر سی میں 21 بچوں کا علاج کیا گیا۔

میٹنگ میں آنگن واڑی کارکنوں کی بھرتی کا بھی جائزہ لیا گیا۔ 237 خالی عہدوں کے لیے 4,355 درخواستیں موصول ہوئی ہیں اور انتخابی عمل جاری ہے، جبکہ آنگن واڑی ہیلپر کے 247 خالی عہدوں پر بھی انتخابی کارروائی آگے بڑھائی جائے گی۔ سی ڈی او نے تمام اسکیموں کا فائدہ مستحق افراد تک بروقت اور شفاف طریقے سے پہنچانے کی ہدایت دی۔

بہترین کارکردگی پر اعزاز:

سی ڈی او نے بہترین کام کے لیے شہر ڈوری نگر کی آنگن واڑی کارکن ارچنا شرما اور خیر گومت کی آنگن واڑی کارکن دیپیکا متل کو تعریفی اسناد اور تحائف دے کر اعزاز سے نوازا۔

ہندوستھان سماچار

---------------

ہندوستان سماچار / سید کامران علی گڑھ