نئی دہلی،28اگست (ہ س )۔

ہندوستان میں سماجی خدمت کی روایت محض خیرات تک ہی محدود نہیں رہی بلکہ ضرورت مندوں کو تعلیم، صحت اور باعزت مدد فراہم کرنے میں بھی اس کی جڑیں بہت گہری ہیں۔ اس وڑن کو آگے بڑھاتے ہوئے ڈاکٹر مشتاق انصاری میموریل ٹرسٹ اور ہمدرد لرننگ اینڈ ویلفیئر سوسائٹی کے مشترکہ زیراہتمام یکم ستمبر 2026 کو ہمدرد کوشل مرکز، ہمدرد یونیورسٹی، ہمدرد نگر میں ایک میگا فری ہیلتھ اینڈ آئی چیک اپ کیمپ کا انعقاد کیا جائے گا۔

کیمپ کا انعقاد ڈاکٹر مشتاق انصاری میموریل ٹرسٹ کے صدر اورفیس گروپ کے چیئرمین ڈاکٹر مشتاق انصاری مرحوم کے صاحبزادے ڈاکٹر بلال انصاری کی قیادت میں کیا جا رہا ہے۔ پروگرام کی صدارت ہمدرد نیشنل فاو¿نڈیشن کے او ایس ڈی شوکت ایچ ایچ مفتی کریں گے۔

شوکت مفتی نے کہا کہ ہمدرد لرننگ اینڈ ویلفیئر سوسائٹی طویل عرصے سے غریبوں اور ناداروں کی مدد کے لیے مختلف سماجی پروگرام چلا رہی ہے۔ یہ تنظیم غریب بچوں کو سلائی کی تربیت، کمپیوٹر کی جدید تعلیم، شخصیت کی نشوونما، سردیوں میں کمبل کی تقسیم اور رمضان المبارک کے دوران ضرورت مند خاندانوں کو راشن فراہم کر رہی ہے۔ انہوں نے کہا کہ ڈاکٹر مشتاق انصاری نے ہمیشہ غریبوں کے مسائل کو اپنا سمجھ کر ان کی مدد کی اور ان کے صاحبزادے ڈاکٹر بلال انصاری خدمت کے اسی جذبے کو آگے بڑھا رہے ہیں۔ انہوں نے کہا کہ اس ہیلتھ کیمپ میں ہمدرد لرننگ اینڈ ویلفیئر سوسائٹی کا تعاون عوامی خدمت کے ایسے اقدامات کی حوصلہ افزائی کی ایک کوشش ہے۔

ڈاکٹر بلال انصاری نے بتایا کہ ڈاکٹر مشتاق انصاری میموریل ٹرسٹ کے زیر اہتمام یہ دوسرا بڑا ہیلتھ کیمپ ہے۔ انہوں نے کہا کہ اپنے والد کے جذبہ خدمت اور ان کے راستے پر چلتے ہوئے ٹرسٹ ضرورت مندوں کو صحت کی سہولیات فراہم کرنے کے لیے کوشاں ہے۔ کیمپ میں مفت طبی دیکھ بھال اور علاج کے ساتھ ساتھ عام بیماریوں کی مفت ادویات بھی فراہم کی جائیں گی۔ بلڈ پریشر، بلڈ شوگر، کارڈیک الیکٹرو کارڈیوگرافی، کارڈیک ایکو کارڈیوگرافی، اور دیگر عام صحت کے چیک اپ۔ آنکھوں کا معائنہ بھی مفت کیا جائے گا۔

میٹرواسپتال، پریت وہار، اور اگروال آئی اسپتال کی میڈیکل ٹیمیں کیمپ میں خدمات فراہم کریں گی، جبکہ ڈاکٹر مشتاق انصاری میموریل ٹرسٹ کی طرف سے ضروری مفت ادویات فراہم کی جائیں گی۔ منتظمین کے مطابق کیمپ کا مقصد بنیادی صحت کی دیکھ بھال، طبی مشاورت اور ضرورت مندوں کو ضروری ادویات ایک ہی جگہ پر فراہم کرنا ہے۔

ڈاکٹر مشتاق انصاری میموریل ٹرسٹ کی جانب سے شبانہ عظیم، عظمیٰ انصاری، زینب انصاری، اور کرن مہرا اور ہمدرد لرننگ اینڈ ویلفیئر سوسائٹی کی جانب سے رخسار اور فردوس خان تقریب کے انتظامات میں بڑھ چڑھ کر تعاون کر رہے ہیں۔ منتظمین نے علاقے کے ضرورت مند لوگوں سے اپیل کی ہے کہ وہ اس فری ہیلتھ اور آئی چیک اپ کیمپ سے استفادہ کریں۔

ہندوستھان سماچار

ہندوستان سماچار / Md Owais Owais