نئی دہلی،14اگست (ہ س )۔

ویژن 2026 کے زیرِ اہتمام قائم ہونے والی دسویں این جی او ’وژن فاؤنڈیشن‘ (Voluntary Initiative for Social Inclusion and Open Network Foundation) کا باقاعدہ افتتاح کوزی کوڈ میں ایک پروقار تقریب کے دوران عمل میں آیا۔

جس میں سماجی، تعلیمی، کاروباری اور ملی شعبوں سے وابستہ متعدد ممتاز شخصیات نے شرکت کی۔ ویڑن 2026 کے چیئرمین ٹی عارف علی نے باضابطہ طور پر ویڑن فاو¿نڈیشن کے قیام کا اعلان کیا۔ تقریب میں موجود معزز شخصیات نے مشترکہ طور پر فاو¿نڈیشن کے لوگو کی رونمائی بھی کی۔

ویڑن فاو¿نڈیشن کا مقصد شمالی، مشرقی اور مغربی ہندوستان میں کام کرنے والی غیر سرکاری تنظیموں اور اداروں کو بااختیار بنانا، ان کی انتظامی و تنظیمی صلاحیتوں کو مضبوط کرنا، ان کے دائرہ¿ کار کو وسیع کرنا اور سماجی ترقی کے میدان میں ان کے اثرات کو مو¿ثر بنانا ہے۔ فاو¿نڈیشن مختلف اداروں کے درمیان تعاون، تجربات کے تبادلے اور صلاحیت سازی کے لیے ایک مشترکہ پلیٹ فارم کے طور پر کام کرے گی۔

تقریب میں انجینئر محمد کویا، جنرل سکریٹری مسلم سروس سوسائٹی؛ ایم۔ اے۔ محبوب، نائب صدر کریڈائی ساو¿تھ زون؛ محمد شفیع، منیجنگ ڈائریکٹر منار اسٹیلز؛ جناب کارادان سلیمان، سی ایم ڈی کارادان لینڈز؛ ڈاکٹر عائشہ سواپنا، پرنسپل فاروک کالج؛ زیڈ۔ اے۔ اشرف، جنرل سکریٹری سی آئی جی آئی؛ ڈاکٹر پی۔ سی۔ انور، ایگزیکٹو ڈائریکٹر اقراء انٹرنیشنل ہسپتال؛ کے۔ سجاد، خزانچی وِزڈم اسلامک آرگنائزیشن؛ ایڈووکیٹ محمد حنیفہ، نائب صدر کیرالہ ندوةالمجاہدین مرکز الدعوہ؛ رزاق پالری، ریاستی صدر ویلفیئر پارٹی آف انڈیا؛ جناب پی۔ آئی۔ نوشاد، چیئرمین پیپلز فاو¿نڈیشن؛ رَجینہ بیگم، جنرل سکریٹری جے آئی ایچ ویمنز ونگ، کیرالہ؛ کے علاوہ ڈاکٹر اوصاف احسن، ڈاکٹر عزیز طرووانا، ایم۔ ایم۔ زبیر اور حنیفہ حاجی نے شرکت کی اور تقریب سے خطاب/اظہارِ خیال کیا۔

ایم۔ ساجد، ڈائریکٹر ویڑن 2026 نے مہمانوں اور شرکائے تقریب کا خیرمقدم کیا، جبکہ پی۔ مجیب الرحمن، امیر جماعت اسلامی ہند، کیرالہ نے اختتامی خطاب کیا۔

اس سے قبل ٹی۔ عارف علی نے ڈیلینیسٹ بلڈنگ، کوزی کوڈ میں قائم ویڑن فاو¿نڈیشن کے نئے دفتر کا افتتاح کیا، جس کے ساتھ ہی فاو¿نڈیشن کی عملی سرگرمیوں کا باقاعدہ آغاز ہوگیا۔

ویڑن فاو¿نڈیشن کا قیام وژن 2026 کے ادارہ جاتی نیٹ ورک کو مزید وسعت دینے کی جانب ایک اہم قدم قرار دیا جا رہا ہے۔ فاو¿نڈیشن کے ذریعے مختلف علاقوں میں کام کرنے والے سماجی اداروں کے درمیان تعاون، صلاحیت سازی، ادارہ جاتی استحکام اور سماجی تبدیلی کے لیے نئے امکانات پیدا ہونے کی توقع ہے۔

ہندوستھان سماچار

ہندوستان سماچار / Md Owais Owais