نئی دہلی، 9 جولائی (ہ س)۔ جمعرات کو اورینٹل کپ 2026 کے تیسرے دن مسلسل بارش نے کھلاڑیوں کو آزمائش میں ڈالالیکن چوتھے ایڈیشن میں حصہ لینے والے نوجوان فٹ بالرز کے جذبے اور جوش کو کم نہیں کر سکا۔

ڈاکٹر امبیڈکر اسٹیڈیم میں چیلنجنگ حالات کے باوجود میچ انتہائی مسابقتی رہے۔ لڑکوں کے زمرے میں مدرز انٹرنیشنل اسکول، دہلی، ماو¿نٹ کارمل اسکول، دوارکا، جی ڈی گوئنکا اسکول، دوارکا، بھارتی پبلک اسکول اور ونے نگر بنگالی سینئر سیکنڈری اسکول نے اگلے راونڈ میں جگہ بنائی، جبکہ لڑکیوں کے زمرے میں مدرز انٹرنیشنل اسکول اور بھارتی پبلک اسکول نے کامیابی حاصل کی اور اگلے مرحلے میں جگہ بنائی۔

لڑکوں کے پہلے میچ میں مدرز انٹرنیشنل اسکول، دہلی نے گورنمنٹ کو ایجوکیشن سینئر سیکنڈری اسکول، دوارکا کو 0-2 سے شکست دی۔ تریگیا چترویدی نے 10 ویں منٹ میں پہلا گول کیا، جبکہ اویر سنگھ نے دو منٹ بعد برتری دوگنی کر دی۔ پہلے ہاف میں یہ دو گول ٹیم کو اگلے راونڈ تک لے جانے کے لیے کافی ثابت ہوئے۔

اسی ایونٹ کے گرلز سیکشن میں مدرز انٹرنیشنل اسکول، دہلی نے گورنمنٹ کو ایجوکیشن سینئر سیکنڈری اسکول، دوارکا کو 0-1 سے شکست دے کر اگلے راو¿نڈ میں جگہ بنائی۔ پرتھکا سیلوی سندر نے 22 ویں منٹ میں میچ کا واحد اور فیصلہ کن گول کیا جس سے ان کی ٹیم جیت گئی۔

بھارتی پبلک اسکول نے لڑکوں اور لڑکیوں دونوں زمروں میں کھیلے بغیر اگلے راونڈ میں جگہ بنائی کیونکہ ایمیٹی انٹرنیشنل اسکول، نوئیڈا نے اپنے اپنے میچوں میں واک اوور دیا۔

لڑکوں کے زمرے میں ماونٹ کارمل اسکول دوارکا نے امیٹی انٹرنیشنل اسکول ساکیت کو 0-2 سے شکست دی۔

رنویر سنگھ رانا نے 10 ویں منٹ میں پہلا گول کیا، جبکہ دوسرے ہاف کے متبادل آرین والیا نے 29 ویں منٹ میں دوسرا گول کر کے ٹیم کی جیت کو یقینی بنایا۔

لڑکوں کے زمرے میں دن کا سب سے دلچسپ میچ جی ڈی گوئنکا اسکول، دوارکا اور کیندریہ ودیالیہ، آر کے پورم کے درمیان کھیلا گیا۔

ریگولیشن ٹائم کے اختتام پر میچ 2-2 سے ڈرا ہوا، جس کے بعد جی ڈی گوئنکا نے پنالٹی شوٹ آوٹ 3-5 سے جیت کر اگلے راونڈ میں پیش قدمی کی۔ رجت سنگھ کھٹی نے دوسرے منٹ میں کیندریہ ودیالیہ کے لیے پہلا گول کیا، جبکہ راج راوت نے 28 ویں منٹ میں 0-2 کی برتری حاصل کر لی۔

اس کے بعد جی ڈی گوئنکا نے 34 ویں منٹ میں کارتیکیہ کشیپ چغ کے گول سے مارجن کم کرنے کے لیے شاندار واپسی کی اور دو منٹ بعد پرتیک سنگھ نے برابری کا گول کیا۔ آخر میں جی ڈی گوئنکا نے پنالٹی شوٹ آوٹ میں اپنے دبدبہ کو برقرار رکھا۔

دن کے آخری مقابلے میں، ونے نگر بنگالی سینئر سیکنڈری اسکول نے لڑکوں کے زمرے میں دہلی پبلک اسکول، متھرا روڈ سے واک اوور کی وجہ سے اگلے راونڈ میں ترقی کی۔

ڈاکٹر امبیڈکر اسٹیڈیم میں 7 سے 16 جولائی تک منعقد ہونے والے اس چوتھے ایڈیشن میں اس بار انعامی رقم دوگنی سے بھی زیادہ ہو گئی ہے، ساتھ ہی 10 باصلاحیت طالب علم کھلاڑیوں کے لیے 2 لاکھ روپے کی اسکالرشپ اسکیم متعارف کرائی گئی ہے۔

---------------

ہندوستان سماچار / عبدالسلام صدیقی