رکن اسمبلی شکتی پریہار نے یاتری نیواس ک افتتاح کیا

جموں، 31 جولائی (ہ س)۔ ڈوڈہ ویسٹ کے رکنِ اسمبلی شکتی راج پریہار نے جمعہ کو کھلینی میں 29 لاکھ روپے کی لاگت سے تعمیر کیے گئے یاتری نیواس کا افتتاح کیا۔ اس موقع پر رکنِ اسمبلی نے کہا کہ یاتری نیواس کی تعمیر کا مقصد یاتریوں، سیاحوں اور دیگر مسافروں کو بہتر رہائشی سہولیات فراہم کرنا ہے۔ انہوں نے کہا کہ اس منصوبے سے نہ صرف یاتریوں کو سہولت میسر آئے گی بلکہ علاقے میں مذہبی سیاحت کو بھی فروغ ملے گا۔

شکتی راج پریہار نے کہا کہ حکومت عوامی بنیادی ڈھانچے کو مضبوط بنانے اور مذہبی مقامات پر سہولیات میں اضافہ کرنے کے لیے سنجیدہ ہے۔ انہوں نے امید ظاہر کی کہ یہ یاتری نیواس آنے والے برسوں میں ہزاروں یاتریوں کے لیے مفید ثابت ہوگا اور علاقے کی معاشی سرگرمیوں کو بھی تقویت دے گا۔

افتتاحی تقریب میں مقامی لوگوں نے یاتری نیواس کی تعمیر کو خوش آئند قرار دیتے ہوئے کہا کہ اس سے کھلینی میں آنے والے یاتری اور سیاحوں کو بہتر سہولیات فراہم ہوں گی اور علاقے میں سیاحت کے فروغ میں مدد ملے گی۔

ہندوستھان سماچار

--------------

ہندوستان سماچار / محمد اصغر