سرینگر، 31 جولائی (ہ س)۔ شمالی کشمیر کے ضلع بانڈی پورہ کے سدرکوٹ بالا کے مالپورہ علاقے میں جمعہ کے روز شدید بارشوں سے سیلاب آیا، جس سے پانی، کیچڑ، پتھر اور ملبہ ایک سرکاری پرائمری اسکول میں داخل ہو گیا اور معمولات زندگی درہم برہم ہو گئ۔مقامی لوگوں کے مطابق، ایک قریبی ندی میں اچانک پانی کے اضافے سے بڑی مقدار میں کیچڑ، اور چھوٹے پتھر علاقے میں آ گئے، جس سے نکاسی آب کے راستے بند ہو گئے اور ملپورہ کی اندرونی لنک روڈ ملبے سے ڈھک گئی۔ صورتحال نے مکینوں کے لیے نقل و حرکت کو مشکل بنا دیا ہے، جبکہ بانڈی پورہ-سرینگر سڑک کے کچھ حصے بھی متاثر ہوئے تھے۔کیچڑ بھرےسیلاب نے گورنمنٹ پرائمری سکول، ملپورہ کو بری طرح متاثر کیا، جہاں کیچڑ سکول کے احاطے کے ساتھ ساتھ عمارت میں داخل ہو گیا ۔ کلاس روم کی چٹائیوں اور دیگر تعلیمی مواد بشمول ریکارڈ کو نقصان پہنچا۔مکینوں نے انتظامیہ سے درخواست کی ہے کہ اندرونی لنک روڈ اور نکاسی آب کے نظام کو فوری طور پر صاف کیا جائے سڑک پر کیچڑ اور ملبہ ہٹایا جائے اور سکول میں معمول کے کام کو بحال کرنے کے لیے ضروری اقدامات کیے جائیں۔ رابطہ کرنے پر زونل ایجوکیشن آفیسر حاجن نے کہا کہ صورتحال پر گہری نظر رکھی جا رہی ہے۔ احتیاطی اقدام کے طور پر، انہوں نے کہا کہ گورنمنٹ پرائمری اسکول مالپورہ میں تدریسی سرگرمیاں دن بھر کے لیے معطل رہیں گی، اور حالات ٹھیک ہونے تک اسکول طلباء کے لیے بند رہے گا۔ہندوستھان سماچار

ہندوستان سماچار / Aftab Ahmad Mir