جموں, 31 جولائی (ہ س).

خراب موسمی حالات اور یاترا کے راستوں کی مرمت کے پیش نظر شری امرناتھ یاترا کو جمعہ کے روز بالتل اور پہلگام دونوں راستوں سے عارضی طور پر معطل کر دیا گیا۔

حکام کے مطابق جمعرات کی رات بالتل علاقے میں موسلا دھار بارش کے باعث ایک مقام پر معمولی سیلابی ریلہ آیا، تاہم اس واقعے میں کسی جانی یا مالی نقصان کی اطلاع نہیں ملی۔

انہوں نے بتایا کہ خراب موسم اور جاری مرمتی کام کے باعث آج بالتل بیس کیمپ سے کسی بھی یاتری کو مقدس امرناتھ گپھا کی طرف روانہ ہونے کی اجازت نہیں دی گئی، جبکہ راستے کی مرمت اور بحالی کا کام جاری ہے۔

واضح رہے کہ شری امرناتھ یاترا کا آغاز 3 جولائی کو ہوا تھا اور اب تک تقریباً ساڑھے چار لاکھ عقیدت مند مقدس گپھا میں قدرتی برفانی شِولنگ کے درشن کر چکے ہیں۔

امرناتھ یاترا 28 اگست کو رکشا بندھن کے موقع پر اختتام پذیر ہوگی۔

ہندوستھان سماچار

---------------

ہندوستان سماچار / محمد اصغر