نئی دہلی، 29 جولائی (ہ س)۔

سڑک کی حفاظت کو بحال کرنے اور قومی شاہراہوں پر ٹریفک کی ہموار نقل و حرکت کو یقینی بنانے کے لیے، روڈ ٹرانسپورٹ اور ہائی ویز کی وزارت اور نیشنل ہائی ویز اتھارٹی آف انڈیا (این ایچ اے آئی) نے ملک گیر انسداد تجاوزات مہم شروع کی ہے۔ سپریم کورٹ کی ہدایات پر چلائی جانے والی اس مہم کا مقصد غیر قانونی تعمیرات، تجارتی اداروں اور شاہراہوں تک غیر قانونی تعمیرات کو ہٹا کر ٹریفک کی محفوظ نقل و حرکت کو یقینی بنانا ہے۔

مرکزی سڑک ٹرانسپورٹ اور شاہراہوں کی وزارت نے کہا کہ این ایچ اے آئی ،پی آئی یو راجکوٹ نے حال ہی میں بڑے پیمانے پر انسداد تجاوزات مہم شروع کی ۔اس دوران 693 کلومیٹر ہائی وے کا سروے کر کے 1403 نوٹس جاری کیے گئے۔ ان میں غیر قانونی ڈھانچے، غیر قانونی تجارتی رسائی، اور بغیر اجازت بنائے گئے کٹ شامل تھے۔ کارروائی کے ایک حصے کے طور پر، 361 غیر قانونی رسائی اور تجاوزات کو ہٹا دیا گیا، اور 150 غیر مجاز درمیانی خالی جگہوں کو مستقل طور پر بند کر دیا گیا۔ یہ مہم ضلع مجسٹریٹس اور پولیس سپرنٹنڈنٹ کے تعاون سے چلائی گئی۔

حال ہی میں، سومناتھ-دوارکا ہائی وے پر خصوصی مہم چلا کر بارڈیہ اور آنیسٹ ہوٹل سے ہاتھی چوک تک کے ھصے سے سیکڑوں تجاوزات ہٹا ئے گئے ۔ وزارت نے کہا کہ یہ اقدامات محض قانونی عمل نہیں بلکہ سڑک کی حفاظت کے اقدامات ہیں۔ تجاوزات کو ہٹانے سے مرئیت بحال ہوتی ہے، ٹریفک کی روانی بہتر ہوتی ہے، ہنگامی خدمات کے لیے جگہ ملتی ہے، اور حادثات کا خطرہ کم ہوتا ہے۔

ہندوستھان سماچار

ہندوستان سماچار / عطاءاللہ