ووٹنگ سے ایک روز قبل پرشانت کشور کے خلاف ایف آئی آر درجپٹنہ، 29 (ہ س)۔ بانکی پور ضمنی انتخاب کے لیے کل (30 جولائی) کو ووٹنگ ہونے والی ہے۔ اس سے محض ایک روز قبل جن سوراج کے بانی اور امیدوار پرشانت کشور کے لیے مشکلات بڑھ گئی ہیں۔ پٹنہ کے شاستری نگر تھانہ میں پی کے کے خلاف ایف آئی آر درج کی گئی ہے۔ یہ شکایت جے ڈی یو کے ایم ایل سی نیرج کمار نے درج کرائی ہے۔جے ڈی یو کے ایم ایل سی نیرج کمار کے ساتھ پارٹی کارکنان بھی موجود تھے۔ نیرج کمار نے کہا، پرشانت کشور نے سابق وزیر اعلیٰ نتیش کمار کے ویڈیو کو مصنوعی قرار دیا، ہمارا ماننا ہے کہ یہ ہمارے لیڈر کی توہین ہے۔ انہوں نے یہ بھی درخواست کی کہ اس معاملے کی مناسب تحقیقات کرائی جائیں اور کارروائی کی جائے۔سابق وزیر اعلیٰ نتیش کمار نے ایک ویڈیو شیئر کیا ہے جس میں بی جے پی امیدوار نیرج سنہا کے حق میں ووٹ دینے کی اپیل کی گئی ہے۔ انہوں نے لوگوں سے کہا کہ ان کے تعاون اور اعتماد سے ہم نے گزشتہ دو دہائیوں میں انصاف کے ساتھ ترقی کی رفتار حاصل کی ہے۔‘‘ ترقی کی اس رفتار کو برقرار رکھنے اور ترقی یافتہ بہار کے عزم کو برقرار رکھنے کے لیے آپ کا ہر ایک ووٹ بہت ضروری ہے۔پرشانت کشور نے اس ویڈیو کو فرضی اور اے آئی سے تیار کیا گیا ہو ابتایا۔ انہوں نے کہا، این ڈی اے کی طرف سے نتیش کمار کی ایک ویڈیو اپیل جاری کی گئی تھی، جو پوری طرح سے فرضی ہے۔ اسے اے آئی کا استعمال کرتے ہوئے بنایا گیا تھا اور نتیش کمار نے کبھی ایسا بیان نہیں دیا ہے۔ انہوں نے مزید کہا، اگر آپ ویڈیو کو غور سے دیکھیں گے تو آپ دیکھیں گے کہ اسے اے آئی کا استعمال کرتے ہوئے ایڈٹ کیا گیا ہے۔ وہ ویڈیو نتیش کمار کی اصلی ویڈیو نہیں ہے۔ یہ بیان بھی ان کا نہیں ہے۔ پرشانت کشور نے بھی بی جے پی پر طنز کیا۔ہندوستھان سماچار

ہندوستان سماچار / Mohammad Afzal Hassan