نئی دہلی، 28 جولائی (ہ س)۔ پنجاب میں مبینہ پیپر لیک ہونے کے معاملے پر منگل کو بی جے پی ممبران پارلیمنٹ نے پارلیمنٹ کمپلیکس کے باہر احتجاج کیا۔ انہوں نے پنجاب حکومت کے خلاف نعرے لگائے اور وزیر تعلیم ہرجوت سنگھ بینس کے استعفیٰ کا مطالبہ کیا۔

بی جے پی ممبران پارلیمنٹ نے الزام لگایا کہ مبینہ پیپر لیک اور پنجاب کے امتحانات اور بھرتی کے عمل میں بے ضابطگیوں نے لاکھوں طلباءکے مستقبل کو متاثر کیا ہے۔ ان کا مطالبہ ہے کہ اس معاملے کی اخلاقی ذمہ داری قبول کرتے ہوئے وزیر تعلیم اپنے عہدے سے مستعفی ہو جائیں۔

احتجاج کے دوران بی جے پی ممبران پارلیمنٹ نے ہاتھوں میں پلے کارڈ اٹھا رکھے تھے اور پنجاب حکومت کے خلاف نعرے لگائے اور تعلیمی نظام میں شفافیت کا مطالبہ کیا۔

ہندوستھان سماچار

---------------

ہندوستان سماچار / عبدالسلام صدیقی