نئی دہلی، 28 جولائی (ہ س)۔ وزیر اعظم نریندر مودی نے منگل کو ایکس پر سبھاشیتم کا اشتراک کرتے ہوئے کہا کہ فطرت کا تحفظ اور احترام انسانیت کی فلاح و بہبود کی بنیاد ہے۔ انہوں نے کہا کہ ہندوستان کی قدیم روایت انسانوں کو فطرت کے ساتھ ہم آہنگی کے ساتھ رہنے کی ترغیب دیتی ہے۔ وزیر اعظم نے لکھا، انسانیت کی فلاح فطرت کے تحفظ اور احترام میںہی مضمر ہے۔ ہماری روایت بھی ہمیں اس صالح طرز عمل پر چلنے کی ترغیب دیتی ہے۔

سبھاشیتم کامفہوم ہے کہ فطرت، وقت اور مذہب کے مطابق زندگی گزارنا ہی خوشی، امن اور خوشحالی کا راستہ ہے۔اس میں دعا کی گئی ہے کہ اندر سمیت تمام دیوتا، سمتوں کے محافظ دیوتا، سال کے تمام چھ موسم، تمام مہینے، دن، رات اور ہر ایک اچھا وقت انسان کی زندگی میں خیر اور بھلائی لے کر آئے۔ساتھ ہی وید، سمریتیاں اور مذہب ہر حال میں اس کی حفاظت کرنی چاہیے۔

ہندوستھان سماچار

---------------

ہندوستان سماچار / عبدالسلام صدیقی