اوریا، 25 جولائی (ہ س)۔

جمعہ کی دیر رات، اتر پردیش کے اوریا ضلع کے پھپھوند تھانہ علاقے کے اچھلدا چوراہے پر بارات لے جانے والی بس تیز رفتار اسکارپیو کار سے ٹکرا گئی۔ حادثے میں اسکارپیو مکمل طور پر تباہ ہوگئی، جب کہ دو مسافر شدید زخمی ہوگئے۔ پولیس نے دونوں کو اسپتال میں داخل کرایا ہے۔

عینی شاہدین کے مطابق رات 11 بجے کے قریب بابر پور سے تیز رفتاری سے آنے والی ایک کالی اسکارپیو اور اوریا سے بارات لے جانے والی بس اچھلدہ چوراہے پر آپس میں ٹکرا گئیں۔ ٹکر اتنی شدید تھی کہ اسکارپیو کے اگلے حصے کے پرخچے اڑ گئے ۔ حادثے کے بعد وہاں کہرام مچ گیا اور لوگوں کی بڑی تعداد جمع ہو گئی۔

پھپھوندپولیس فوراً موقع پر پہنچ گئی۔ مقامی لوگوں کی مدد سے پولیس نے تباہ شدہ کار میں پھنسے دو زخمیوں کو نکالا۔ اس کی حالت نازک ہونے کے باعث اسے فوری طور پر ایمبولینس کے ذریعے اسپتال منتقل کیا گیا، جہاں اس کا علاج جاری ہے۔

اس حادثے سے اچھلدا چوراہے پر ٹریفک میں کچھ دیر کے لیے خلل پڑا۔ پولیس نے گاڑیوں کو روڈ وے سے ہٹا کر معمول کی ٹریفک بحال کر دی۔اسٹیشن ہاو¿س آفیسر اجے کمار نے بتایا کہ حادثے کی وجوہات کی جانچ کی جارہی ہے۔ زخمیوں کی شناخت چمن پرکاش اور وویک کے طور پر ہوئی ہے۔ ان کے اہل خانہ کو اطلاع دے دی گئی ہے۔ پولیس اس معاملے میں ضروری قانونی کارروائی کر رہی ہے۔

ہندوستھان سماچار

ہندوستان سماچار / عطاءاللہ