نوئیڈا، 25 جولائی (ہ س)۔ ضلع کے دو مختلف تھانہ علاقوں میں جمعہ کی دیر رات پیش آنے والے الگ الگ سڑک حادثات میں دو افراد کی موت ہوگئی۔ پولیس نے ایک متوفی کی شناخت کر لی ہے، جبکہ دوسرے کی شناخت کی کوشش جاری ہے۔پہلا حادثہ تھانہ دادری علاقے میں پیش آیا، جہاں دادری بائی پاس کے قریب دیر رات ایک لاپرواہ ٹریکٹر ڈرائیور نے ایک نوجوان کو کچل دیا، جس کے نتیجے میں وہ شدید زخمی ہوگیا۔ اطلاع ملنے پر پولیس موقع پر پہنچی اور زخمی کو اسپتال منتقل کیا، جہاں ڈاکٹروں نے اسے مردہ قرار دے دیا۔ پولیس نے لاش کو پوسٹ مارٹم کے لیے بھیج دیا ہے اور متوفی کی شناخت کی جا رہی ہے۔دوسرا حادثہ تھانہ سیکٹر 39 کے علاقے میں پیش آیا۔ تھانہ انچارج ڈی پی شکلا کے مطابق، سڑک حادثے میں 48 سالہ رام نارائن یادو شدید زخمی ہوگئے تھے۔ انہیں علاج کے لیے اسپتال میں داخل کرایا گیا، جہاں دورانِ علاج ان کا انتقال ہوگیا۔ پولیس نے لاش کو پوسٹ مارٹم کے لیے بھیج کر مزید قانونی کارروائی شروع کر دی ہے۔

ہندوستھان سماچار

ہندوستان سماچار / Mohammad Khan