آگرہ، 25 جولائی (ہ س)۔ دو مرتبہ کی چمپئن کاشی رودراس نے جمعہ کو منعقدہ یوپی ٹی20 سیزن-4 کی کھلاڑیوں کی نیلامی کے بعد اپنی 18 رکنی ٹیم مکمل کر لی۔اپنے خطاب کے دفاع کے عزم کے ساتھ میدان میں اترنے والی کاشی رودراس نے اپنے 12 کھلاڑیوں کو برقرار رکھتے ہوئے نیلامی میں 6 نئے کھلاڑیوں کو ٹیم میں شامل کیا۔فرنچائز نے آل راونڈر محمد شارم کو 17.50 لاکھ روپے میں خرید کر سب سے بڑی بولی لگائی۔ اس کے علاوہ گیند باز ویبھَو چودھری، آل راونڈر وجے یادو اور ورات جیسوال، جبکہ بلے باز مانو سندھو اور صاحب یووراج سنگھ کو بھی ٹیم میں شامل کیا گیا۔ ان نئے کھلاڑیوں کی شمولیت سے ٹیم کی بیٹنگ، بولنگ اور آل راونڈ شعبوں میں مزید مضبوطی آئی ہے۔نیلامی کے بعد کاشی رودراس کے نمائندے سکھویندر سنگھ نے کہا کہ ٹیم نے نیلامی میں اپنی تمام ترجیحات کامیابی سے پوری کر لی ہیں۔ انہوں نے کہا کہ ہر نیا سیزن نئی آزمائشیں لے کر آتا ہے، اس لیے دو مرتبہ چمپئن بننے کے باوجود ٹیم کو ایک بار پھر اپنی بہترین کارکردگی دکھانی ہوگی۔ انہوں نے امید ظاہر کی کہ باصلاحیت اور محنتی کھلاڑیوں کا یہ گروپ ایک بار پھر شاندار کھیل پیش کرے گا۔کاشی رودراس نے نئے سیزن کی تیاریوں کے ساتھ ساتھ نچلی سطح پر کرکٹ ٹیلنٹ کو فروغ دینے کی سمت بھی اہم قدم اٹھایا ہے۔ فرنچائز نے ’رودراس کپ‘ کا آغاز کیا ہے، جو کسی بھی یوپی ٹی20 فرنچائز کی جانب سے منعقد کیا جانے والا اپنی نوعیت کا پہلا علاقائی اسکاوٹنگ ٹورنامنٹ ہے۔ اس کے علاوہ وسیع پیمانے پر کھلاڑیوں کے ٹرائلز کے ذریعے ابھرتے ہوئے کرکٹرز کو اپنی صلاحیتوں کے اظہار اور فرنچائز تک رسائی کا موقع بھی فراہم کیا گیا۔یوپی ٹی20 سیزن-4 کے لیے کاشی رودراس کی ٹیمکپتان: کرن شرمابرقرار رکھے گئے کھلاڑی: کرن شرما، ابھیشیک گوسوامی، اوپیندر یادو، اٹل بہاری رائے، شبھم چوبے، کارتک یادو، سنیل کمار، سکشم رائے، اویس احمد، رشبھ راجپوت، دیپانشو یادو، ارنو بالیان۔نیلامی میں شامل کیے گئے کھلاڑی: محمد شارم، ویبھَو چودھری، وجے یادو، ورات جیسوال، مانو سندھو اور صاحب یووراج سنگھ۔ہندوستھان سماچار

ہندوستان سماچار / Mohammad Khan