علی گڑھ, 25 جولائی (ہ س): ضلع مجسٹریٹ اویناش کمار اور سینئر سپرنٹنڈنٹ آف پولیس (ایس ایس پی) نیرج کمار جادون نے ہفتہ کے روز ساون کے مقدس مہینے کے پیش نظر بھومیاں بابا مندر کا معائنہ کیا اور کانوڑ یاتریوں کے جل ابھیشیک کو محفوظ، منظم اور خوش اسلوبی سے مکمل کرانے کے لیے انتظامات کا جائزہ لیا۔

معائنے کے دوران افسران نے مندر احاطے میں صفائی، بیریکیڈنگ، داخلہ و اخراج کے راستوں، بھیڑ کے نظم و نسق، سی سی ٹی وی نگرانی، پینے کے پانی اور روشنی کے انتظامات کا باریک بینی سے جائزہ لیا۔

ضلع مجسٹریٹ اویناش کمار نے متعلقہ افسران کو ہدایت دی کہ ساون کے دوران بڑی تعداد میں آنے والے عقیدت مندوں کو کسی قسم کی پریشانی نہ ہو، اس کے لیے تمام انتظامات بروقت مکمل کیے جائیں۔ انہوں نے کہا کہ امن و قانون کی بحالی انتظامیہ کی اولین ترجیح ہے اور اس مقصد کے لیے مناسب پولیس فورس تعینات کی جائے گی۔

ایس ایس پی نیرج کمار جادون نے کہا کہ مندر اور اس کے اطراف کے علاقوں میں مسلسل نگرانی رکھی جائے گی، جبکہ ٹریفک کو رواں دواں رکھنے کے لیے خصوصی ٹریفک پلان نافذ کیا جائے گا تاکہ عقیدت مندوں کو آمد و رفت میں کسی دشواری کا سامنا نہ کرنا پڑے۔

اس موقع پر ضلع مجسٹریٹ اور ایس ایس پی نے متعلقہ افسران کو عقیدت مندوں کی سہولت، سلامتی، صفائی، پینے کے پانی، ٹریفک اور دیگر بنیادی انتظامات کو مقررہ وقت میں معیاری انداز سے مکمل کرنے کی ہدایت دی۔ معائنے کے دوران ایس ڈی ایم گبھانا ہریش چندر، جوائنٹ مجسٹریٹ آیوش جیسوال اور دیگر افسران بھی موجود رہے۔

ہندوستھان سماچار

---------------

ہندوستان سماچار / سید کامران علی گڑھ