جموں، 25 جولائی(ہ س)۔

خطہ چناب کے بالائی علاقوں میں مسلسل موسلا دھاربارش کے باعث دریائے چناب میں پانی کی سطح بلند ہونے کے بعد بگلیہار اورسلّال ڈیم کے متعدد دروازے کھول دیے گئے۔

حکام کے مطابق ڈوڈہ، کشتواڑ، رام بن اورریاسی کے بالائی علاقوں میں شدید بارشوں کے نتیجے میں دریائے چناب اور ڈیموں کے ذخائر میں پانی کی آمد میں نمایاں اضافہ ہوا، جس کے بعد اضافی پانی کے محفوظ اخراج اور پانی کی سطح کو قابو میں رکھنے کے لیے ڈیموں کے دروازے کھولے گئے۔

حکام نے بتایا کہ دریائے چناب کے زیریں علاقوں میں پانی کے بہاؤ اور سطح میں اضافہ ہوا ہے۔ متعلقہ محکمے صورتحال اور موسمی حالات پر مسلسل نظر رکھے ہوئے ہیں۔ انتظامیہ نے دریائے چناب کے کنارے اور نشیبی علاقوں میں رہنے والے لوگوں کو محتاط رہنے، دریا کے قریب جانے سے گریز کرنے اور جاری کردہ حفاظتی ہدایات پر عمل کرنے کی اپیل کی ہے۔

ہندوستھان سماچار

ہندوستان سماچار / محمد اصغر