علی گڑھ, 25 جولائی (ہ س)علی گڑھ ضلع کانگریس کمیٹی کے صدر ٹھاکر سومویر سنگھ اور شہر کانگریس صدر نوید خان کی مشترکہ قیادت میں ہفتہ کو نیٹ پیپر لیک معاملے کے خلاف کینڈل مارچ نکالا گیا۔ مارچ کے دوران جنتر منتر پر احتجاج کر رہے طلبہ کی حمایت کی گئی اور پیپر لیک کے بعد جان گنوانے والے طلبہ کو خراجِ عقیدت پیش کرتے ہوئے ان کے اہل خانہ سے اظہارِ تعزیت کیا گیا۔کینڈل مارچ کے بعد کانگریس کارکن ضلع دفتر میں جمع ہوئے، جہاں مرکزی وزیر تعلیم دھرمیندر پردھان کے استعفے پر خوشی کا اظہار کرتے ہوئے مٹھائیاں تقسیم کی گئیں۔ اس موقع پر کارکنوں نے زوردار نعرے بازی کی اور راہل گاندھی کے حق میں نعرے لگائے۔

ضلع کانگریس صدر ٹھاکر سومویر سنگھ نے کہا کہ طلبہ کے ساتھ مضبوطی سے کھڑے رہنے اور ان کی آواز بلند کرنے کا نتیجہ ہے کہ مرکزی وزیر تعلیم کو استعفیٰ دینا پڑا۔ انہوں نے دعویٰ کیا کہ اگر راہل گاندھی مسلسل جدوجہد نہ کرتے تو حکومت وزیر تعلیم سے استعفیٰ نہ لیتی۔ ان کا کہنا تھا کہ اگر اخلاقی ذمہ داری قبول کرنی تھی تو پیپر لیک سامنے آتے ہی استعفیٰ دینا چاہیے تھا، نہ کہ طلبہ پر مبینہ لاٹھی چارج، تشدد اور بعض طلبہ کی اموات کے بعد۔

شہر کانگریس صدر نوید خان نے کہا کہ یہ صرف کانگریس یا طلبہ کی نہیں بلکہ پورے جمہوری نظام کی کامیابی ہے۔ انہوں نے کہا کہ بھارت ایک جمہوری ملک ہے اور طلبہ کی فتح دراصل جمہوریت کی فتح ہے۔اس موقع پر پورن چند دیشمکھ، کیلاش بابو والمیکی، ایس سی/ایس ٹی سیل کے ریاستی نائب صدر ڈونگر سنگھ، اوم پرکاش سنگھ، اکھلیش، ہیمنت شرما، ٹوٹو پرجاپتی، رادھا سنگھ جاٹو، نیتا خیر، سردار اجیت سنگھ، ڈاکٹر شنکر، سنتا سنگھ، مینا شرما، گڈو دنگا، سومیش چوہان، سیف اللہ رضا، مباشر علی، پون سیٹھ، کیلاش گوتم، دیپیش بگھیل، سشانت راجپوت، عامر منتظر، رئیس قریشی، موہن لال، پپو، رتیش شرما، دھن سنگھ، اعظم قریشی، راجپال سنگھ، پرنس جٹاری، برجیش جاٹو، برہما پال سنگھ، کلدیپ سنگھ، دھرمیندر پرجاپتی، چندرویر پرجاپتی، وریش راٹھور، ٹھاکر امت سنگھ، پروشوتّم داس سمیت بڑی تعداد میں کانگریس کارکن موجود رہے۔

ہندوستھان سماچار

---------------

ہندوستان سماچار / سید کامران علی گڑھ