جموں وکشمیر حکومت نے کٹھوعہ کے گرڈ اسٹیشن کی استعداد بڑھانے کو منظوری دی

جموں، 24 جولائی (ہ س)۔ جموں و کشمیر حکومت نے ضلع کٹھوعہ کے گرڈ اسٹیشن کی استعداد بڑھانے کی منظوری دے دی ہے۔ منصوبے کے تحت گرڈ اسٹیشن کی صلاحیت 3×50 ایم وی اے سے بڑھا کر 4×50 ایم وی اے کی جائے گی، جبکہ اس سے متعلق بنیادی ڈھانچے کے دیگر ترقیاتی کام بھی انجام دیے جائیں گے۔ اس منصوبے پر 15.22 کروڑ روپے لاگت آئے گی۔سرکاری حکام کے مطابق اس منصوبے کا مقصد کٹھوعہ اور ملحقہ علاقوں میں بجلی کی بڑھتی ہوئی طلب کو پورا کرنے کے لیے پاور ٹرانسمیشن نظام کو مزید مضبوط اور مؤثر بنانا ہے۔

منصوبے کی تکمیل سے ٹرانسمیشن نظام کی قابلِ اعتماد کارکردگی اور استحکام میں اضافہ ہوگا، گرڈ پر اضافی بوجھ کم ہوگا اور صارفین کو بہتر معیار کی بجلی کی فراہمی یقینی بنائی جا سکے گی۔حکومت کا کہنا ہے کہ یہ اقدام جموں و کشمیر میں بجلی کے بنیادی ڈھانچے کو جدید بنانے اور وسعت دینے کی کوششوں کا حصہ ہے، تاکہ عوام کو معیاری، مؤثر اور بلا تعطل بجلی فراہم کی جا سکے اور خطے کی معاشی ترقی کو فروغ ملے۔

ہندوستھان سماچار

--------------

ہندوستان سماچار / محمد اصغر