جموں،24 جولائی (ہ س)۔

جموں و کشمیر میں جمعہ کی علی الصبح سے جاری مسلسل موسلا دھار بارش کے باعث جموں-سرینگر قومی شاہراہ پر ادھم پور اور رام بن اضلاع کے مختلف مقامات پر لینڈ سلائیڈنگ، مٹی کے تودے کھسکنے اور پہاڑوں سے پتھر گرنے کے واقعات پیش آئے، جس سے ٹریفک کی آمدورفت متاثر ہونے کا خدشہ پیدا ہوگیا ہے۔

سرکاری حکام کے مطابق مسلسل بارش کے نتیجے میں شاہراہ کے کئی حساس مقامات پر ملبہ اور پتھر سڑک پرآ گئے ہیں، جس کے بعد نیشنل ہائی ویز اتھارٹی آف انڈیا کو فوری طورپرمطلع کیا گیا۔ ملبہ ہٹانے اور شاہراہ کو دوبارہ قابلِ آمدورفت بنانے کے لیے مشینری اور عملے کو متاثرہ علاقوں میں تعینات کر دیا گیا ہے۔

حکام نے عوام سے اپیل کی ہے کہ موسم بہتر ہونے اور شاہراہ کی مکمل بحالی تک غیر ضروری سفر سے گریز کریں۔ مسافروں کو ہدایت دی گئی ہے کہ سفر سے قبل سرکاری ٹریفک ایڈوائزری ضرور چیک کریں۔انتظامیہ کے مطابق خطے میں وقفے وقفے سے بارش کا سلسلہ جاری ہے، جس کے باعث حساس مقامات پر مزید لینڈ سلائیڈنگ اور پتھر گرنے کے امکانات موجود ہیں، لہٰذا صورتحال پر مسلسل نظر رکھی جا رہی ہے۔

ہندوستھان سماچار

ہندوستان سماچار / محمد اصغر