لکھنو، 24 جولائی (ہ س)۔ اتر پردیش کی راجدھانی لکھنو میں موہن لال گنج پولیس نے بین ریاستی مذہبی تبدیلی کی سرگرمیوں میں ملوث ایک گروہ کے سات ارکان کو گرفتار کیا ہے۔ ان کے قبضے سے مذہبی کتابیں اور دیگر اشیاءبرآمد ہوئیں۔ ملزمان میں شادی شدہ جوڑا بھی شامل ہے۔

ڈپٹی کمشنر آف پولیس (جنوبی) محمد۔ مشتاق نے جمعہ کو بتایا کہ موہن لال گنج کے بھرسوا گاو¿ں کے رہنے والے امت کمار نے پولیس میں شکایت درج کرائی ہے۔ اس نے الزام لگایا کہ ساتھی گاوں والے چندر بھان اور اس کی بیوی آرتی، سیما، ڈینیل اور اس کی بیوی سبلا اور اجے راوت اور اس کی بیوی شیلا اس پر عیسائیت اختیار کرنے کے لیے دباو ڈال رہے تھے اور اسے دھمکیاں بھی دے رہے تھے۔ اس معاملے پر تیزی سے کارروائی کرتے ہوئے پولس نے جمعرات کی دیر رات ان سبھی کو اپنی تحویل میں لے لیا۔

پوچھ گچھ میں یہ بات سامنے آئی کہ یہ گروہ مالی امداد، بیماروں کے علاج معالجے اور غریب خاندانوں کی بیٹیوں کی شادیوں میں مدد جیسے لالچ دے کر لوگوں کامذہب تبدیل کرتا ہے۔ امت کمار کو بھی علاج کے بہانے لے جایا گیا اور بعد میں مذہب تبدیل کرنے کے لیے دباو ڈالا گیا۔

پوچھ گچھ کے دوران مرکزی ملزم ڈینیل نے انکشاف کیا کہ اس کا بچپن کا نام بالا سبرامنیم تھا۔ 16 سال کی عمر میں اس کی ملاقات کنیا کماری کی ایک عیسائی خاتون سبلا سے ہوئی۔ اس سے شادی کرنے کے لیے اس نے ہندو مذہب ترک کر کے عیسائیت اختیار کر لی۔ اس کے بعد، کنیا کماری، تمل ناڈو میں ایف جی پی سی چرچ کے حکم پر عمل کرتے ہوئے، وہ 1998 میں عقیدے کی تبلیغ کے لیے لکھنو¿ پہنچے اور انہیں وارانسی حلقے کے پادری کے طور پر مقرر کیا گیا۔ ایف جی پی سی چرچ طبی علاج، مختلف ترغیبات، اور مالی امداد، یا دھمکی کے ذریعے لوگوں کو عیسائیت میں تبدیل کرنے کے سالانہ اہداف تفویض کرتا ہے۔ مقصد یہ ہے کہ زیادہ سے زیادہ لوگوں کو اس میں لایا جائے اور انہیں ایسا کرنے کے لیے مالی مدد ملے۔ ڈپٹی کمشنر آف پولیس نے بتایا کہ تبدیلی کے ریکیٹ میں ملوث سات افراد کو گرفتار کیا گیا ہے اور ان کے دیگر ساتھیوں کے بارے میں فی الحال پوچھ گچھ جاری ہے۔

ہندوستھان سماچار

---------------

ہندوستان سماچار / عبدالسلام صدیقی