نئی دہلی، 24 جولائی (ہ س)۔ کانگریس پارٹی نیٹ اور سی بی ایس ای امتحانات میں بے قاعدگیوں اور طلباءکے خلاف پولیس کارروائی کے خلاف 25 جولائی کی شام کو ملک بھر میں ضلعی سطح پر کینڈل لائٹ اور ستیہ گرہ پروگرام منعقد کرے گی۔ یہ تقریبات مہاتما گاندھی یا ڈاکٹر بھیم راو امبیڈکر کے مجسموں پر اختتام پذیر ہوں گی، یہ پروگرام طلباءاور نوجوانوں کے ساتھ یکجہتی کی علامت ہوگی۔

کانگریس جنرل سکریٹری کے سی وینوگوپال کے ذریعہ جمعہ کو جاری کردہ ایک سرکاری خط میں کہا گیا ہے کہ ستیہ گرہ ان طلباءاور نوجوانوں کی حمایت میں ہوگا جن کا مستقبل امتحانی نظام کی ناکامیوں سے متاثر ہوا ہے۔ پارٹی نے مرکزی وزیر تعلیم دھرمیندر پردھان کے فوری استعفیٰ کا بھی مطالبہ کیا۔

خط میں کہا گیا ہے کہ تمام ریاستی کانگریس کمیٹیاں اور ضلع کانگریس کمیٹیاں اپنے اپنے علاقوں میں اس پروگرام کی قیادت کریں۔ بلاک کانگریس کمیٹیوں، فرنٹل تنظیموں، محکموں، سیلوں اور کارکنوں کی فعال شرکت کو یقینی بنایا جائے۔

کانگریس پارٹی نے تمام ریاستی کانگریس کمیٹی کے صدور پر زور دیا ہے کہ وہ اس بات کو یقینی بنائیں کہ اس تقریب کو پرامن، نظم و ضبط اور موثر انداز میں منعقد کیا جائے اور اسے میڈیا اور سوشل میڈیا کی وسیع کوریج ملے تاکہ یہ واضح طور پر پیغام دیا جاسکے کہ کانگریس طلباءکے ساتھ کھڑی ہے اور جمہوری آوازوں کو دبانے کی کسی بھی کوشش کی مخالفت کرتی ہے۔

ہندوستھان سماچار

---------------

ہندوستان سماچار / عبدالسلام صدیقی