نئی دہلی، 23 جولائی (ہ س)۔ ہندوستانی خواتین کی ہاکی میں ابھرتے ہوئے ٹیلنٹ کے لیے ایک پلیٹ فارم چوتھی ہاکی انڈیا جونیئر ویمنس اکیڈمی چیمپیئن شپ 2026 (زون اے اور بی)، جمعہ 24 جولائی کو گوالیار، مدھیہ پردیش میں شروع ہوگی۔ 11 روزہ ٹورنامنٹ 3 اگست تک منعقد کیا جائے گا، جس میں ملک بھر میں خواتین کی 12 جونیئر ہاکی کی لیڈ ٹیمیں مقابلہ میں حصہ لیں گی۔

ٹورنامنٹ میں شریک 12 ٹیموں کو دو پولز میں تقسیم کیا گیا ہے۔ ہر پول چھ ٹیموں پر مشتمل ہے اور لیگ مرحلے میں، تمام ٹیمیں اپنے پول میں دوسری ٹیموں سے مقابلہ کریں گی۔ ہر پول سے سرفہرست دو ٹیمیں 2 اگست کو سیمی فائنل میں پہنچیں گی جبکہ تیسری پوزیشن کا میچ اور فائنل 3 اگست کو کھیلا جائے گا۔

پول اے میں راجہ کرن ہاکی اکیڈمی، خالصہ ہاکی اکیڈمی (امرتسر)، اسپورٹس اتھارٹی آف گجرات ہاکی اکیڈمی، ہاکی فیملی بڑھخالصہاین سی آر ہاکی سوسائٹی، تمل ناڈو ہاکی اکیڈمی اور پریتم سیواچ ہاکی اکیڈمی، سونی پت شامل ہیں۔

جبکہ پول بی میں ریتو رانی ہاکی اکیڈمی، وڈی پٹی راجہ ہاکی اکیڈمی، بھائی بہلو ہاکی اکیڈمی بھگتا، ممبئی اسکولز اسپورٹس ایسوسی ایشن، اڈیار ہاکی اکیڈمی اور مدھیہ پردیش ہاکی اکیڈمی کی ٹیمیں کھیلیں گی۔

ٹورنامنٹ کے لیگ مرحلے کے دوران، جیت کے لیے تین پوائنٹس، ڈرا کے لیے ایک پوائنٹ اور ہار کے لیے کوئی پوائنٹ نہیں دیا جائے گا۔ ناک آو¿ٹ میچوں میں ٹائی ہونے کی صورت میں، فاتح کا فیصلہ انٹرنیشنل ہاکی فیڈریشن (ایف آئی ایچ) کے قوانین کے مطابق شوٹ آوٹ کے ذریعے کیا جائے گا۔

ہاکی انڈیا کے صدر ڈاکٹر دلیپ ترکی نے کہا کہ جونیئر ویمنز اکیڈمی چیمپئن شپ ہندوستان میں خواتین کی ہاکی کے نچلی سطح پر ڈھانچے کو مضبوط کرنے کے لیے ایک اہم پلیٹ فارم بن گئی ہے۔ یہ نوجوان کھلاڑیوں کو ملک کی بہترین اکیڈمیوں کے خلاف کھیلنے کا موقع فراہم کرتا ہے اور مستقبل کی قومی ٹیم کے کھلاڑیوں کی شناخت میں مدد کرتا ہے۔

ہاکی انڈیا کے سیکرٹری جنرل بھولا ناتھ سنگھ نے کہا کہ اکیڈمیاں نوجوان کھلاڑیوں کو تیار کرنے میں اہم کردار ادا کرتی ہیں۔ اس طرح کے ٹورنامنٹ کھلاڑیوں کو مسابقتی ماحول اور قومی سطح کا تجربہ فراہم کرتے ہیں۔

پہلے دن کا پروگرام

صبح 7:30 : راجہ کرن ہاکی اکیڈمی بمقابلہ خالصہ ہاکی اکیڈمی (امرتسر)

صبح 9:00 بجے: اسپورٹس اتھارٹی آف گجرات ہاکی اکیڈمی بمقابلہ پریتم سیواچ ہاکی اکیڈمی، سونی پت

صبح 10:30 بجے : ہاکی فیملی بڑھخالصہ این سی آر ہاکی سوسائٹی بمقابلہ تمل ناڈو ہاکی اکیڈمی

شام 1:30 بجے: ریتو رانی ہاکی اکیڈمی بمقابلہ وڈی پٹی راجہ ہاکی اکیڈمی

شام 3:00 بجے: ممبئی اسکولس اسپورٹس ایسوسی ایشن بمقابلہ اڈیار ہاکی اکیڈمی

شام 4:30 : بھائی بہلو ہاکی اکیڈمی بھگتا بمقابلہ مدھیہ پردیش ہاکی اکیڈمی۔

ہندوستھان سماچار

---------------

ہندوستان سماچار / عبدالسلام صدیقی