چانگ ژو، 23 جولائی (ہ س)۔ ہندوستان کے اسٹار بیڈمنٹن کھلاڑی پی وی سندھوکا چائنا اوپن 2026 کا سفر راونڈ آف 16 میں ختم ہوگیا۔ جمعرات کو کھیلے گئے میچ میں،میزبان چین کی چوتھی سیڈ چن یوفی نے شاندار واپسی کرتے ہوئے سندھو کو 21-16، 20-22، 18-21 سے شکست دی اور کوارٹر فائنل میں پیش قدمی کی۔

سندھو نے پہلا گیم جیت کر میچ کی مضبوط شروعات کی۔ تاہم، دوسرے گیم میں میچ پر مہر لگانے کے چار مواقع ہونے کے باوجود، وہ ان سے فائدہ اٹھانے میں ناکام رہی۔ چن نے مسلسل پانچ پوائنٹس جیت کر مقابلہ کوفیصلہ کن موڑ تک پہنچادیا۔

پہلے گیم میں، چن نے 6-12 کی برتری قائم کی تھی، لیکن سندھو نے شاندار واپسی کرتے ہوئے اسکور کو 16-16 سے برابر کر دیا اور اس سے پہلے لگاتار پوائنٹس سے آگے نکل کر گیم 16-21 سے جیت لیا۔

سندھو دوسرے گیم کے دوران مکمل کنٹرول میں دکھائی دی، جس میں 17-20 کی برتری اور چار میچ پوائنٹس تھے۔ تاہم، اس نازک موڑ پر، چن نے ایک قابل ذکر بحالی کا آغاز کیا، مسلسل پانچ پوائنٹس جیت کر گیم 20-22 سے جیت لیا اور میچ کو تیسرے گیم میں پہنچا دیا۔

سندھو نے بھی فیصلہ کن گیم میں ابتدائی برتری حاصل کر لی، لیکن چن یوفی نے اختتامی مراحل میں اہم پوائنٹس کی سیریز کو 18-21 سے جیت کرمقابلہ اپنے نام کر لیا۔

ٹوکیو اولمپکس 2020 طلائی تمغہ جیتنے والی چن یوفی کا مقابلہ اب کوارٹر فائنل میں تھائی لینڈ کے رتچانوک انتانون اور ویتنام کے نگوین تھیو لن کے درمیان ہونے والے میچ کے فاتح سے ہوگا۔

اس شکست کے ساتھ ہی ہندوستان کی مایہ ناز کھلاڑی پی وی سندھوکاچائنا اوپن 2026 سفر کا اختتام ہوگیا۔

ہندوستھان سماچار

---------------

ہندوستان سماچار / عبدالسلام صدیقی