کولکاتا، 22 جولائی (ہ س)۔

انفورسمنٹ ڈائریکٹوریٹ (ای ڈی) نے ترنمول کانگریس کے سابق راجیہ سبھا ممبر پارلیمنٹ سبھاشیش چکرورتی کو پارٹی کی پارٹی فنڈنگ سے متعلق ایک کیس کے سلسلے میں طلب کیا ہے۔ ای ڈی ذرائع کے مطابق انہیں اس ہفتے سی جی او کمپلیکس میں ای ڈی کے دفتر میں حاضر ہونے کو کہا گیا ہے۔ سبھاشیش اس وقت ترنمول کانگریس کے خزانچی ہیں۔ سبھاشیش نے کہا کہ وہ پارٹی کے ساتھ اس معاملے پر بات کریں گے اور ای ڈی سے اپنی پیشی کے لیے وقت طلب کریں گے۔

قابل ذکر ہے کہ 9 جون کو سی آئی ڈی نے ایم ایل ایز کے دستخط کیس کے سلسلے میں ترنمول سپریمو ممتا بنرجی کی رہائش گاہ سے متصل پارٹی دفتر پر چھاپہ مارا تھا۔ پولیس اور مرکزی فورسز بھی موجود تھیں۔

تاہم سی آئی ڈی ابتدائی طور پر دفتر میں داخل ہونے میں ناکام رہی۔ دفتر میں موجود سبھاشیش کے ساتھ ایک گھنٹہ طویل بحث کے بعد تفتیشی افسران داخل ہونے میں کامیاب ہوئے۔ اس کے بعد تقریباً دو گھنٹے تک دفتر کی تلاشی لی گئی۔

اس سے پہلے ای ڈی نے پرائیویٹ ایوی ایشن کمپنی کیرویل کے دو ڈائریکٹروں پون جاجو اور رمیش جاجو کو بھی ترنمول کانگریس کی پارٹی فنڈنگ سے متعلق اسی معاملے میں طلب کیا تھا۔ دونوں کے بیانات بھی قلمبند کر لیے گئے ہیں۔

ہندوستھان سماچار

ہندوستان سماچار / عطاءاللہ