ابتدائی کاروبار میں شیئر بازار پر دباو، سینسیکس اور نفٹی میں گراوٹ

نئی دہلی، 22 جولائی (ہ س)۔ گھریلو شیئر بازار میں آج لگاتار تیسرے دن ابتدائی کاروبار کے دوران گراوٹ کا رجحان نظر آ رہا ہے۔ آج کے کاروبار کی شروعات بھی کمزوری کے ساتھ ہوئی تھی۔ بازار کھلنے کے کچھ دیر بعد ہی فروخت کنندگان نے فروخت کا دباو بنا دیا، جس کی وجہ سے سینسیکس اور نفٹی دونوں انڈیکس کی کمزوری بڑھتی چلی گئی۔ حالانکہ خریداروں نے وقفے وقفے سے خریداری کا زور بنانے کی کوشش بھی کی، لیکن فروخت کا دباو اتنا زیادہ تھا کہ بازار کی صورتحال میں کوئی خاص سدھار نہیں ہو سکا۔ صبح 10 بجے تک کا کاروبار ہونے کے بعد سینسیکس 0.73 فیصد اور نفٹی 0.71 فیصد کی کمزوری کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر بازار کی بڑی کمپنیوں میں سے بجاج آٹو، نیسلے، او این جی سی، ٹائٹن کمپنی اور ماروتی سوزوکی کے شیئر 3.52 فیصد سے لے کر 0.15 فیصد کی مضبوطی کے ساتھ کاروبار کر رہے تھے۔ دوسری جانب، انٹر گلوب ایوی ایشن، سپلا، ڈاکٹر ریڈیز لیبارٹریز، اسٹیٹ بینک آف انڈیا اور ایکسس بینک کے شیئر 3.05 فیصد سے لے کر 1.35 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,704 شیئروں میں ایکٹیو ٹریڈنگ ہو رہی تھی۔ ان میں سے 710 شیئر منافع کما کر سبز نشان میں کاروبار کر رہے تھے، جبکہ 1,994 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے صرف تین شیئر خریداری کی حمایت سے سبز نشان میں برقرار تھے۔ دوسری جانب 27 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے سات شیئر سبز نشان میں اور 43 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 85.16 پوائنٹس یعنی 0.11 فیصد کی کمزوری کے ساتھ 77,384.95 پوائنٹس کی سطح پر کھلا۔ کاروبار کی شروعات ہونے کے تھوڑی دیر بعد ہی بازار میں فروخت کا دباو بن گیا، جس کی وجہ سے اس انڈیکس کی کمزوری بڑھنے لگی۔ مسلسل ہو رہی فروخت کے سبب پہلے 20 منٹ کے کاروبار میں ہی سینسیکس 600 پوائنٹس سے زیادہ گر کر 76,851.19 پوائنٹس کی سطح پر آ گیا۔ اس کے بعد خریداروں نے خریداری کا زور بنانے کی کوشش کی، جس سے اس انڈیکس کی چال میں معمولی سدھار ہوتا ہوا نظر آیا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 568.96 پوائنٹس گر کر 76,901.15 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 37.25 پوائنٹس یعنی 0.15 فیصد کی گراوٹ کے ساتھ 24,150.45 پوائنٹس کی سطح سے کاروبار کی شروعات کی۔ بازار کھلتے ہی خریداری کی حمایت ملنے سے یہ انڈیکس معمولی ریکوری کے ساتھ 24,166.30 پوائنٹس تک پہنچا، لیکن اس کے بعد فروخت کا دباو بن گیا۔ مسلسل ہو رہی فروخت کی وجہ سے نفٹی 170 پوائنٹس سے زیادہ گر کر 24,008.70 پوائنٹس کی سطح تک گر گیا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 172.60 پوائنٹس کی گراوٹ کے ساتھ 24,015.10 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن