نئی دہلی، 21 جولائی (ہ س)۔ جنوبی دہلی کے لودی روڈ تھانہ علاقے میں واقع بی کے دت کالونی میں منگل کی صبح ایک دردناک آتشزدگی کے واقعے میں ایک خاتون اور دو بچوں کی موت ہو گئی۔ یہ حادثہ بی-بلاک میں چاولہ سویٹس کے سامنے واقع ایک مکان کی تیسری منزل پر پیش آیا۔
اطلاعات کے مطابق، صبح تقریباً 10:21 بجے دہلی فائر بریگیڈ کو مکان میں آگ لگنے کی اطلاع ملی۔ اطلاع ملتے ہی فائر بریگیڈ کی تین گاڑیاں موقع پر روانہ کی گئیں۔ فائر اہلکاروں نے موقع پر پہنچ کر آگ بجھانے کی کارروائی شروع کی۔
فائر افسران کے مطابق، آگ تیسری منزل پر لگی تھی۔ راحت اور بچاؤ کارروائی کے دوران تیسری منزل سے تین افراد کی لاشیں برآمد کی گئیں، جن میں ایک خاتون اور دو بچے شامل ہیں۔
واقعے کی سنگینی کو دیکھتے ہوئے ایک اعلیٰ افسر کو بھی موقع پر طلب کیا گیا۔ اس کے بعد اے ڈی او راجیش شکلا کو جائے حادثہ پر بھیجا گیا۔ تقریباً 11:10 بجے آگ پر قابو پانے کی اطلاع دی گئی، تاہم مکمل طور پر محفوظ بنانے کے لیے کولنگ آپریشن جاری رکھا گیا۔
فی الحال آگ لگنے کی وجوہات کا پتہ نہیں چل سکا ہے۔ پولیس اور فائر بریگیڈ محکمہ معاملے کی تحقیقات میں مصروف ہیں۔ جاں بحق افراد کی شناخت اور آگ لگنے کی وجہ معلوم کرنے کی کوشش کی جا رہی ہے۔
ہندوستھان سماچار
---------------
ہندوستان سماچار / عبدالواحد
