دہری آن سون، 18 جولائی (ہ س)۔ بہار کے روہتاس ضلع کے چناری تھانہ علاقے کے تحت کل دیر رات چناری بازار میں پولیس کی گاڑی نے ایک نوجوان کو کچل دیا جس سے اس کی موت ہوگئی۔ متوفی 30 سالہ کرپا شنکر تیواری پلاؤنڈہ کے رہنے والے ونے تیواری کا بیٹا تھا۔ واقعہ سے علاقے میں کہرام مچ گیا ہے۔اطلاعات کے مطابق کرپا شنکر تیواری کہیں جا رہے تھے جب انہیں چناری پولیس کی گاڑی نے ٹکر مار دی جس سے موقع پر ہی ان کی موت ہوگئی ۔ اہل خانہ کا الزام ہے کہ پولیس گاڑی کا ڈرائیور نشے میں تھا۔ ایس پی روشن کمار نے بتایا کہ یہ ایک انتہائی افسوسناک واقعہ تھا جس میں چناری پولیس کی گاڑی شامل تھی۔ گاڑی ضبط کر لی گئی ہے۔ ڈرائیور کا بریتھلائزر ٹیسٹ اور خون کے نمونے لیے گئے ہیں، جس میں اس بات کی تصدیق ہوئی ہے کہ وہ نشہ میں تھا۔ اہل خانہ کی جانب سے درخواست موصول ہونے کے بعد ایف آئی آر درج کی جارہی ہے۔ایس پی نے کہا کہ اس طرح کے معاملات میں درکار تمام انتظامی مدد فراہم کی جا رہی ہے۔ پولیس اس واقعہ میں مکمل قانونی، شفاف اور غیر جانبدارانہ کارروائی کرنے کے لیے پرعزم ہے۔

ہندوستھان سماچار

ہندوستان سماچار / Mohammad Afzal Hassan