اورنگ آباد ، 18 جولائی (ہ س): ڈپٹی ریجنل ٹرانسپورٹ افسر منیش داؤنڈ کی رہنمائی میں ڈپٹی ریجنل ٹرانسپورٹ دفتر جالنہ کی وائیووےگ ٹیم نے خصوصی جانچ مہم چلاتے ہوئے مجموعی طور پر 60 بسوں کی تلاشی لی۔ اس خصوصی کارروائی میں موٹر وہیکل انسپکٹر فاروق ایس۔ شیخ، اسسٹنٹ موٹر وہیکل انسپکٹر ابھیجیت کے۔ باوسکر اور ڈرائیور گیانیشور نِلے نے حصہ لیا۔
جانچ کے دوران 26 بسوں میں موٹر وہیکل قانون کی مختلف خلاف ورزیاں سامنے آئیں۔ ان میں بغیر اجازت نامے کے مسافر برداری، موٹر وہیکل ٹیکس ادا نہ کرنا، انڈیکیٹر اور ٹیل لائٹس کا خراب یا بند ہونا، ڈرائیور کیبن میں غیر مجاز مسافروں کو بٹھانا اور گاڑی کی چھت پر سامان کی نقل و حمل جیسی سنگین بے ضابطگیاں شامل تھیں۔ ان تمام خلاف ورزیوں پر موٹر وہیکل ایکٹ 1988 اور متعلقہ قواعد کے تحت متعلقہ گاڑیوں کے خلاف قانونی کارروائی کی گئی، جس کے دوران مجموعی طور پر ایک لاکھ 90 ہزار روپے جرمانہ وصول کیا گیا۔
ڈپٹی ریجنل ٹرانسپورٹ دفتر جالنہ نے تمام بس ڈرائیوروں، گاڑی مالکان، مسافر بردار اور مال بردار گاڑیوں کے مالکان سے اپیل کی ہے کہ وہ سڑکوں پر حفاظت کو یقینی بنائیں، مسافروں کے تحفظ کو ترجیح دیں اور ٹریفک قوانین پر سختی سے عمل کریں۔ ڈپٹی ریجنل ٹرانسپورٹ افسر منیش داؤنڈ نے کہا کہ آئندہ بھی ٹریفک قوانین کی خلاف ورزی کرنے والی گاڑیوں کے خلاف اسی طرح مسلسل اور سخت کارروائیاں جاری رکھی جائیں گی تاکہ سڑکوں پر محفوظ اور منظم ٹریفک نظام کو یقینی بنایا جا سکے۔
ہندوستھان سماچار
--------------------
ہندوستان سماچار / جاوید این اے
