بہرائچ، 18 جولائی (ہ س)۔ اتر پردیش کے ضلع بہرائچ میں میڈیکل کالج کے ایک جونیئر ریزیڈنٹ ڈاکٹر کی جانب سے سماجی کارکن سونم وانگچک کی حمایت میں تنہا پیدل مارچ نکالنے کا معاملہ سامنے آیا ہے۔ واقعے کی ویڈیو سوشل میڈیا پر وائرل ہونے کے بعد کالج انتظامیہ نے معاملے کی تحقیقات کا حکم دیا ہے۔
موصولہ اطلاعات کے مطابق، مہاراشٹر کے ضلع امراوتی کے ناگپور علاقے کے رہائشی ڈاکٹر روپک اِکھے نے جمعہ کی شام تقریباً پانچ بجے سونم وانگچک کی حمایت میں مارچ نکالا۔ انہوں نے وانگچک کی حمایت میں پیغام درج ٹی شرٹ پہن رکھی تھی اور ہاتھ میں ایک تختی اٹھا کر ڈگیہا تِراہے سے ضلع مجسٹریٹ کی رہائش گاہ تک پیدل مارچ کیا۔
ویڈیو منظر عام پر آنے کے بعد میڈیکل کالج کے پرنسپل ڈاکٹر سنجے کھتری نے ہفتہ کے روز بتایا کہ وائرل ویڈیو میں جونیئر ڈاکٹر خود کو سونم وانگچک کی مہم کا حامی بتاتے ہوئے نظر آ رہے ہیں۔ انہوں نے کہا کہ معاملے کا نوٹس لیتے ہوئے تحقیقات کے احکامات جاری کر دیے گئے ہیں۔ پرنسپل کے مطابق، تحقیقاتی رپورٹ کی بنیاد پر ضابطوں کے مطابق ضروری کارروائی کی جائے گی۔
ہندوستھان سماچار
---------------
ہندوستان سماچار / عبدالواحد
