بھاگلپور، 18 جولائی (ہ س)۔ پولیس نے نوگچھیا پولیس ضلع کے پربتہ تھانہ علاقہ میں ایک زیر تعمیر پنچایت سرکاری عمارت سےہفتہ کے روزپولیس نے مشتبہ حالات میں ایک منشی کی لاش برآمد کی۔ واقعہ کی اطلاع صبح 10 بجے کے قریب پولیس کو ملی اطلاع ملتے ہی پربتہ تھانہ پولیس جائے وقوعہ پر پہنچی۔ اس کے بعد سپرنٹنڈنٹ آف پولیس (ایس پی) اور نوگچھیا کے سب ڈویژنل پولیس افسر (ایس ڈی پی او) بھی جائے وقوعہ پر پہنچے اور صورتحال کا جائزہ لیا۔پولیس نے جائے وقوعہ کو محفوظ کرلیا ہے اور ایف ایس ایل (فارنزک سائنس لیب) ٹیم کے ذریعہ سائنسی تحقیقات کا آغاز کردیا ہے۔ متوفی کی شناخت 33 سالہ برجیش کمار ولدنتیا نند یادو ساکن آشرم ٹولہ تھانہ دوا کے طور پر ہوئی ہے ۔ وہ زیر تعمیر پنچایت گورنمنٹ بلڈنگ میں منشی کے طور پر کام کر رہا تھا۔

ابتدائی تفتیش میں متوفی کے سر پر دو چوٹیں کسی بھاری چیز سے لگنے کا انکشاف ہوا ہے جس سے قتل کا شبہ ظاہر کیا جا رہا ہے۔ تاہم پولیس تمام زاویوں سے معاملے کی تحقیقات کر رہی ہے۔ مقامی لوگ اس امکان پر بات کر رہے ہیں کہ متوفی نشے کا عادی تھا اور یہ واقعہ نشے سے متعلق تنازعہ ہو سکتا ہے۔ تاہم پولیس نے باضابطہ طور پر اس کی تصدیق نہیں کی ہے اور کہا ہے کہ موت کی اصل وجہ پوسٹ مارٹم رپورٹ اور ایف ایس ایل امتحان کے بعد ہی سامنے آئے گی۔پولیس فی الحال لاش کا پوسٹ مارٹم کرانے میں مصروف ہے اور معاملے کی مکمل تحقیقات جاری ہے۔

ہندوستھان سماچار

ہندوستان سماچار / Mohammad Afzal Hassan