سرینگر، 15 جولائی (ہ س)۔ وزیر اعلیٰ عمر عبداللہ نے بدھ کو کہا کہ نیشنل کانفرنس 19 جولائی کو نئی دہلی کے لیے روانہ ہو جائے گی، چاہے جنتر منتر پر مجوزہ احتجاج کے لیے اجازت نہ دی جائے۔ سری نگر میں صحافیوں سے بات کرتے ہوئے عمر عبداللہ کہا کہ جموں و کشمیر کے چھینے والے حقوق کی بحالی پر پارٹی کا موقف مستحکم ہے۔ عمر نے کہا، ہمارے پروگرام میں کوئی تبدیلی نہیں آئے گی۔ ڈاکٹر مصطفیٰ کمال بھی چاہتے تھے کہ ہمارے چھینے گئے حقوق بحال ہوں۔ انہوں نے کہا کہ پارٹی نے 11 جولائی کو ڈاکٹر کمال کی طبیعت خراب ہونے پر بھی اپنے طے شدہ سیاسی پروگراموں کو جاری رکھنے کا فیصلہ کیا تھا۔ ڈاکٹروں نے ہمیں بتایا تھا کہ شاید وہ زندہ نہیں رہیں گے، اس وقت بھی نیشنل کانفرنس کے صدر ڈاکٹر فاروق عبداللہ نے ہمیں ہدایت کی تھی کہ کچھ بھی ہو جائے، ہمیں 12 جولائی کو جموں کا اپنا پروگرام جاری رکھنا ہے۔ عمر نے کہا کہ انہوں نے پارٹی رہنماؤں کو پہلے ہی مطلع کر دیا ہے کہ وہ 19 جولائی کو نئی دہلی روانہ ہو جائیں چاہے احتجاج کی اجازت نہ دی جائے۔ وزیر اعلی نے کہا کہ نیشنل کانفرنس صبر و تحمل سے کام لے گی اور متبادل منصوبے بھی تیار رکھے گی۔ ہم جانتے ہیں کہ کس طرح صبر کرنا ہے۔ ہم انتظار کریں گے، لیکن ہم اپنا متبادل منصوبہ بھی تیار رکھیں گے۔

ہندوستھان سماچار

ہندوستان سماچار / Aftab Ahmad Mir