بھاگلپور، 14 جولائی (ہ س)۔ بہار گرامین بینک کے ملازمین اور افسران نے منگل کے روز بھاگلپور میں علاقائی دفتر کے سامنے ریجنل منیجر کے مبینہ آمرانہ رویہ کے خلاف احتجاج کیا۔ اس تقریب کا انعقاد بہار گرامین بینک ایمپلائز فیڈریشن اور آفیسرز فیڈریشن کے مشترکہ بینر تلے کیا گیا تھا۔احتجاج میں تقریباً 100 مرد و خواتین بینک ملازمین نے شرکت کی۔ تقریب سے خطاب کرتے ہوئے آفیسرفیڈریشن کے جنرل سکریٹری محمد ندیم اختر نے ملازمین کو درپیش مختلف مسائل کو اٹھایا اور ریجنل منیجر کے کام کرنے کے انداز پر سوال اٹھائے۔احتجاج کے دوران مظاہرین نے اپنے مطالبات کے حق میں نعرے لگائے اور بینک انتظامیہ سے ملازمین کے مسائل فوری حل کرنے کا مطالبہ کیا۔ تقریب کے اختتام پر فیڈریشن کے ایک وفد نے ریجنل منیجر کو اپنے مطالبات کے حوالے سے ایک یادداشت پیش کی۔

رہنماؤں نے کہا کہ ملازمین کے جائز مطالبات کے حل کے لیے جلد مثبت اقدام نہ اٹھایا گیا تو آنے والے دنوں میں مزید وسیع اور پرامن احتجاج شروع کیا جائے گا جس کی تمام تر ذمہ دار بینک انتظامیہ ہوگی۔ اس موقع پر آفیسر فیڈریشن ریجنل سکریٹری آکاش آنند، صدر اروند کمار، ایمپلائیز فیڈریشن سکریٹری اجیت کمار، صدر راج کمار، ریتو سنگھ، ریچا ٹھاکر، شالنی سنہا، راماوتار یادو، کنال کمار، مکیش کمار، آنند ساگراور بینک ملازمین کی بڑی تعداد موجود تھی۔ احتجاج پرامن طور پر اختتام پذیر ہوا۔

ہندوستھان سماچار

ہندوستان سماچار / Mohammad Afzal Hassan