سرینگر 14 جولائی،( ہ س)۔وسطی کشمیر کے ماگام علاقے کے کنیہامہ میں 9 جولائی کو پیش آئے سڑک حادثے میں مرنے والوں کی تعداد منگل کو اس وقت بڑھ کر دو ہو گئی جب ایک زخمی لیکچرار نے شیرِ کشمیرانسٹی ٹیوٹ آف میڈیکل سائنسزصورہ میں زخموں کی تاب نہ لاتے ہوئے دم توڑ دیا۔ متوفی کی شناخت شبیر احمد ڈار کے طورپرکی گئی ہے، جو کہ ٹنگمرگ کے گوفبل کنزر سے تعلق رکھنے والے کیمسٹری کے لیکچرر ہیں، جو اس حادثے میں شدید زخمی ہوئے تھے اور اس کے بعد سے سکمز میں زیر علاج تھے۔ اس حادثے میں پہلے راوت پورہ، ٹنگمرگ سے تعلق رکھنے والے فزکس کے لیکچرر منظور احمد ملک کی جان چلی گئی تھی، جو حادثے کے دن فوت ہو گئے تھے۔ حکام نے بتایا کہ دونوں لیکچرار محکمہ تعلیم میں خدمات انجام دے رہے تھے اور گلمرگ حلقہ سے تعلق رکھتے تھے۔ ان کی موت سے تدریسی برادری اور ان کے آبائی علاقوں میں غم کی لہردوڑگئی ہے۔ اپوزیشن لیڈر سنیل شرما نے بھی ان دونوں لیکچرار کی موت پر غم کا اظہار کیا۔ ماگام حادثے میں ایجوکیشن ڈپارٹمنٹ کے لیکچررز منظور احمد ملک اور شبیر احمد ڈار کے المناک نقصان پر گہرا دکھ ہوا۔ ان کے اہل خانہ سے دلی تعزیت۔ مرحوم کی روح کو ابدی سکون نصیب ہو۔ دو لیکچررز کی موت نے بڑے پیمانے پر سوگ کا آغاز کر دیا ہے، ساتھیوں، طلباء اور رہائشی انہیں سرشار اساتذہ کے طور پر یاد کر رہے ہیں جنہوں نے تعلیم کے شعبے میں اہم کردار ادا کیا۔ ہندوستھان سماچار

ہندوستان سماچار / Aftab Ahmad Mir