علی گڑھ, 12 جولائی (ہ س)،

عالمی یومِ آبادی کے موقع پر ضلع قانونی خدمات اتھارٹی کے زیرِ اہتمام موہن لال گوتم خواتین اسپتال میں قانونی بیداری اور آبادی پر قابو پانے سے متعلق ایک کیمپ منعقد کیا گیا، جس میں شہریوں کو خاندانی منصوبہ بندی، قانونی حقوق اور مفت قانونی امداد کی معلومات فراہم کی گئیں۔

ضلع قانونی خدمات اتھارٹی کی سکریٹری ساکشی گرگ نے کہا کہ بڑھتی ہوئی آبادی سماجی اور معاشی ترقی کے لیے ایک بڑا چیلنج ہے، جس پر قابو پانا حکومت کے ساتھ ساتھ ہر شہری کی بھی ذمہ داری ہے۔ انہوں نے متوازن خاندان کی اہمیت اور مفت قانونی امداد کی مختلف اسکیموں سے بھی آگاہ کیا۔

اس موقع پر موہن لال گوتم ضلع اسپتال کے چیف میڈیکل سپرنٹنڈنٹ ڈاکٹر طیب خان نے صحت عامہ، خاندانی بہبود اور آبادی پر قابو پانے کے لیے عوامی بیداری کو وقت کی اہم ضرورت قرار دیا۔ پروگرام میں پیرا لیگل رضاکاروں سمیت بڑی تعداد میں افراد نے شرکت کی۔

---------------

ہندوستان سماچار / سید کامران علی گڑھ