دبئی، 12 جولائی (ہ س): انٹرنیشنل کرکٹ کونسل (آئی سی سی) کے چیئرمین جے شاہ نے ہندوستانی مردوں کی کرکٹ ٹیم کے سابق کپتان سورو گنگولی اور ہندوستانی خواتین کرکٹ ٹیم کی سابق کپتان انجم چوپڑا کے ساتھ ساتھ انگلینڈ کی ٹیم کے سابق بلے باز کیون پیٹرسن کو باوقار آئی سی سی ہال آف فیم میں شامل ہونے پر مبارکباد دی ہے۔

جے شاہ نے اتوار کو سوشل میڈیا ایکس پر لکھا، میں آئی سی سی ہال آف فیم میں شامل ہونے والے نئے کھلاڑیوں کا خیرمقدم کرتے ہوئے بہت خوش ہوں۔ یہ ان غیر معمولی کھلاڑیوں کو خراج تحسین ہے جن کی کامیابیوں نے ہمارے کھیل میں بہت بڑا تعاون کیا ہے۔ سوربھ گنگولی، انجم چوپڑا، اور کیون پیٹرسن سبھی نے فخر کے ساتھ اپنی اپنی قومی ٹیموں کی کپتانی کی۔ میں اس اعزاز کے لیے آئی سی سی کی جانب سے تینوں کو مبارکباد دیتا ہوں۔

انٹرنیشنل کرکٹ کونسل نے تینوں کھلاڑیوں کو ہال آف فیم میں شامل کرنے کا اعلان کیا ہے۔ تینوں لیجنڈز نے تمام فارمیٹس میں کرکٹ میں شاندار تعاون کیا ہے۔

سوربھ گنگولی آئی سی سی ہال آف فیم میں شامل ہونے والے 10 ویں مرد ہندوستانی کرکٹر بن گئے ہیں، جبکہ انجم چوپڑا یہ اعزاز حاصل کرنے والی تیسری ہندوستانی خاتون کرکٹر ہیں۔

سوربھ گنگولی نے اپنے بین الاقوامی کیریئر میں کل 424 میچ کھیلے، جس میں 18,575 رن بنائے۔ اس عرصے کے دوران انہوں نے 38 سنچریاں اور 107 نصف سنچریاں بنائیں۔ ٹیسٹ کرکٹ میں، انہوں نے 113 میچوں میں 7,212 رن بنائے ہیں اور 311 ون ڈے میچوں میں 11,363 رن بنائے ہیں۔

ہندوستانی خواتین کی ٹیم کی سابق کپتان انجم چوپڑا نے ملک میں خواتین کی کرکٹ کی ترقی میں نمایاں کردار ادا کیا۔ انہوں نے اپنے 17 بین الاقوامی کیریئر کے دوران 100 ون ڈے میچ کھیلنے والی پہلی ہندوستانی خاتون کرکٹر بھی بن گئی ہیں۔

انگلینڈ کے سابق بلے باز کیون پیٹرسن، جو آئی سی سی ہال آف فیم کی باوقار فہرست میں شامل ہیں، نے بین الاقوامی کرکٹ میں کل 13,797 رن بنائے۔ انہوں نے 104 ٹیسٹ میں 8181 رن، 136 ون ڈے میں 4440 رن اور 37 ٹی 20 انٹرنیشنل میں 1176 رن بنائے ہیں۔

ہندوستھان سماچار

--------

ہندوستان سماچار / عبدالواحد