علی گڑھ، 12 جولائی (ہ س)۔

ضلع اسکول انسپکٹر پورن سنگھ نے کہا ہے کہ سرکاری اسکولوں میں طلبہ کو بہتر تعلیمی ماحول فراہم کرنے کے لیے بنیادی سہولیات کو مضبوط بنانے کا کام تیزی سے جاری ہے۔ اسکولوں کی مرمت، حفاظتی انتظامات اور دیگر ضروری سہولیات مرحلہ وار بہتر کی جا رہی ہیں۔

انہوں نے بتایا کہ بارش کے دوران پانی بھرنے کے مسئلے کے مستقل حل کے لیے نئی باؤنڈری وال کی تعمیر اور عمارت کی مرمت کی تجویز حکومت کو بھیج دی گئی ہے، جبکہ پٹّی کی مرمت کا کام جاری ہے۔

انہوں نے مزید بتایا کہ طلبہ کے لیے صاف پینے کے پانی، کھیل کود اور مطالعے کی مناسب سہولیات فراہم کی جا رہی ہیں۔ بجلی اور سی سی ٹی وی کی تاروں کو بندروں سے ہونے والے نقصان سے بچانے کے لیے کئی تاروں کو زیرِ زمین کیا جا چکا ہے اور باقی کام بھی جلد مکمل کیا جائے گا۔ انہوں نے کہا کہ محکمہ طلبہ کو محفوظ، صاف ستھرا اور بہتر تعلیمی ماحول فراہم کرنے کے لیے مسلسل اقدامات کر رہا ہے۔

ہندوستھان سماچار

ہندوستان سماچار / سید کامران علی گڑھ