علی گڑھ، 12 جولائی (ہ س)۔

علی گڑھ کے دوبے پڑاؤ چوراہے پر نئے ٹریفک پلان کے تین روزہ ٹرائل کا آغاز ہو گیا۔ پہلے دن چوراہے پر ٹریفک کی روانی پہلے کے مقابلے بہتر رہی اور طویل ٹریفک جام دیکھنے میں نہیں آیا، تاہم رام لیلا میدان کے قریب یو ٹرن پر گاڑیوں کی سست رفتار اور ایک معمولی حادثے سے کچھ خامیاں بھی سامنے آئیں۔

پولیس اور ٹریفک اہلکار پورے علاقے میں تعینات رہے جبکہ کئی راستوں کو بیریکیڈ لگا کر بند رکھا گیا۔ ٹرائل کے دوران ٹریفک قوانین کی خلاف ورزی کرنے والوں کے چالان بھی کیے گئے اور شہریوں کو نئے ٹریفک نظام سے آگاہ کیا گیا۔انتظامیہ کا کہنا ہے کہ آئندہ دو دن عوامی ردعمل اور ٹریفک کی صورتحال کا جائزہ لینے کے بعد ضروری تبدیلیاں کی جائیں گی، جس کے بعد حتمی ٹریفک پلان نافذ کیا جائے گا۔

ہندوستھان سماچار

ہندوستان سماچار / سید کامران علی گڑھ