چنئی، 11 جولائی (ہ س)۔

تمل ناڈو میں اگلے چند دنوں تک ملے جلے موسم کا سامنا رہے گا۔ 16 جولائی تک ریاست کے مختلف حصوں میں ہلکی سے درمیانی بارش متوقع ہے۔ کچھ علاقوں میں زیادہ سے زیادہ درجہ حرارت معمول سے 2–3 ڈگری سیلسیس زیادہ رہنے کی توقع ہے۔

مدورے میں گزشتہ 24 گھنٹوں کے دوران ریاست میں سب سے زیادہ 40 ڈگری سیلسیس درجہ حرارت ریکارڈ کیا گیا۔ مزید برآں، تروچیراپلی میں 38.7 ڈگری سیلسیس، ناگاپٹنم میں 38 ڈگری سیلسیس، کرور میں 37.5 ڈگری سیلسیس، اور کڈالور میں 37.2 ڈگری سیلسیس درج کیا گیا۔

دریں اثنا، راجدھانی چنئی میں، مینمبکم میں زیادہ سے زیادہ درجہ حرارت 35.3 ڈگری سیلسیس اور ننگم بکم میں 34.3 ڈگری سیلسیس ریکارڈ کیا گیا۔

چنئی میٹرولوجیکل سینٹر (آر ایم سی) کے مطابق، 11 جولائی کو مغربی گھاٹ کے ساتھ والے اضلاع میں گرج چمک کے ساتھ ہلکی بارش، بجلی چمکنے اور تیز ہواو¿ں کے امکانات ہیں۔ تمل ناڈو کے دیگر حصوں میں الگ الگ مقامات پر ہلکی سے درمیانی بارش متوقع ہے۔

12 اور 14 جولائی کے درمیان مغربی گھاٹ سے ملحق اضلاع میں بنیادی طور پر درمیانی بارش متوقع ہے، جبکہ ریاست کے بیشتر دیگر حصوں میں موسم نسبتاً خشک رہنے کی توقع ہے۔ محکمہ موسمیات نے پیش گوئی کی ہے کہ یہ صورتحال 16 جولائی تک برقرار رہ سکتی ہے۔

ہندوستھان سماچار

ہندوستان سماچار / عطاءاللہ