چیک باؤنس کرنے پر ایک شخص کو ایک سال کی جیل، 5.39 لاکھ جرمانہسرینگر، 11 جولائی (ہ س )۔

پٹن کی ایک عدالت نے ایک شخص کو چیک باؤنس ہونے کے معاملے میں قصوروار ٹھہرایا اور اسے ایک سال کی سادہ قید کی سزا سنائی اور ساتھ ہی اسے شکایت کنندہ کو 5,39,600 روپے بطور معاوضہ ادا کرنے کی ہدایت دی۔ یہ فیصلہ سب جج پٹن کی عدالت نے سنایا، جس کی صدارت انجیت سنگھ کر رہے تھے۔ محمد اسلم بھٹ ولد محمد اکبر بھٹ، جو نہال پورہ، پٹن کے رہائشی ہیں، کی جانب سے دائر شکایت میں یہ فیصلہ سنایا گیا۔

عدالت نے محمد عباس وازہ ولد محمد صادق وازہ ساکن کرپال پورہ سنگھ پورہ کو 3,80,000 روپے کے چیک باونس کے معاملے میں مجرم قرار دیا۔ کیس کے ریکارڈ کے مطابق، شکایت 4 فروری 2019 کو اس وقت کی گئی جب ملزم کی جانب سے شکایت کنندہ کے حق میں جاری کیے گئے چیک باونس ہو گئے، جس کے نتیجے میں قانونی کارروائی کی گئی۔ عدالت نے دلائل سننے کے بعد ملزم کو ایک سال قید کی سزا سنائی اور اسے 5,39,600 روپے بطور معاوضہ شکایت کنندہ کو ادا کرنے کی ہدایت کی۔ مقدمے کی سماعت کے دوران وکیل توصیف غنی اور منیر احمد ڈار نے شکایت کنندہ کی نمائندگی کی۔ ہندوستھان سماچار

ہندوستان سماچار / Aftab Ahmad Mir