نئی دہلی، 10 جولائی (ہ س): ہاکی انڈیا نے جمعہ کو 19 ستمبر سے 4 اکتوبر تک جاپان میں منعقد ہونے والی 20 ویں ایشین گیمز آئچی ناگویا 2026 کے لئے 20 رکنی ہندوستانی خواتین کی ہاکی ٹیم کا اعلان کیا۔ حال ہی میں ایف آئی ایچ نیشن کپ خطاب جیتنے والی ٹیم کی کپتان سلیمہ ٹیٹے ایک بار پھر نیوزی لینڈ میں ٹیم کی قیادت کریں گی۔

ہیڈ کوچ سوجورڈ مارجن نے کہا،ہمارے پاس ایک ٹیم ہے جس میں جونیئر، تجربہ کار اور سینئر کھلاڑیوں کا توازن موجود ہے۔ تمام کھلاڑی ایک دوسرے میں بہترین کارکردگی دکھانے کے لیے سخت محنت کر رہے ہیں۔

حال ہی میں پدم شری سے نوازی گئی، سویتا اور بیچو دیوی کھریبام کو گول کیپر کے طور پر ٹیم میں شامل کیا گیا ہے۔

سشیلا چانو، اشیکا چودھری، جیوتی، لالتھنتوانگی اور شلپی ڈباس دفاع کے لیے تیار ہیں۔ لالتھنتوانگی اور شلپی ڈباس نے ایف آئی ایچ نیشنز کپ میں اپنا سینئر ڈیبیو کیا اور متاثر کن کارکردگی کے بعد انہیں ایشین گیمز ٹیممیں بھی شامل کیا گیاہے۔

مڈ فیلڈ میں نکی پردھان، ساکشی رانا، سنیلیتا ٹوپو، نیہا اور دیپیکا سورینگ کپتان سلیمہ ٹیٹے کے ساتھ کھیلتی نظر آئیں گی۔

فارورڈ لائن میں لالریمسیامی، رتوجا داد سو پسال، نونیت کور، دیپیکا، اشیکا، بلجیت کور اور بیوٹی ڈنگ ڈنگ شامل ہیں۔

ہیڈ کوچ نے مزید کہا کہ 'اس ٹیم کے کھلاڑیوں نے گزشتہ چند ماہ میں بہترین فارم اور فٹنس کا مظاہرہ کیا ہے، ہمیں یقین ہے کہ یہ ٹیم ایشین گیمز کے چیلنج کے لیے پوری طرح تیار ہے'۔

2026 کے ایشیائی کھیلوں کے لیے ہندوستان کی 20 رکنی خواتین کی ہاکی ٹیم

گول کیپر: سویتا، بیچو دیوی کھریبام۔

ڈیفنڈرز: اشیکا چودھری، سشیلا چانو پکرمبم، لالتھنتوانگی، جیوتی، شلپی ڈباس۔

مڈ فیلڈرز: نکی پردھان، ساکشی رانا، سنیلیتا ٹوپو، سلیمہ ٹیٹے (کپتان)، نیہا، دیپیکا سورینگ۔

فارورڈز: لالریمسیامی، رتوجا دادسو پسال، نونیت کور، دیپیکا، اشیکا، بلجیت کور، بیوٹی ڈنگ ڈونگ۔

---------------

ہندوستان سماچار / عبدالسلام صدیقی