نئی دہلی، 10 جولائی (ہ س)۔ مسلسل تین دن تک بارش سے متاثر رہنے کے بعد اورینٹل کپ 2026 کے چوتھے دن آخرکار جمعہ کے روز کھلی دھوپ نے نوجوان کھلاڑیوں کا استقبال کیا۔ بہتر موسم اور کھیل کے سازگار حالات کے درمیان، دہلی پبلک اسکول، آر کے پورم، دہلی پبلک اسکول، وسنت وہار، سینٹ فرانسس ڈی سیلز سینئر سیکنڈری اسکول، اسٹیپ بائی اسٹیپ اسکول (نوئیڈا)، مدرز انٹرنیشنل اسکول (دہلی)، ماو¿نٹ کارمل اسکول (دوارکا) اور جی ڈی گوینکا اسکول (دوارکا) نے جمعہ کو اپنے سیمی فائنل میں لڑکوں کے پری کوارٹر فائنل میچوں میں شاندار فتوحات درج کیں۔
دن کے پہلے میچ میں دہلی پبلک اسکول، آر.کے. پورم نے نیوی چلڈرن اسکول کو 1-3 سے شکست دے کر فاتحانہ آغاز کیا۔ آیوش بھاردواج نے 20ویں، 31ویں اور 37ویں منٹ میں گول کرتے ہوئے شاندار ہیٹ ٹرک کی۔ یش بنیال نے 35ویں منٹ میں نیوی چلڈرن اسکول کا خسارہ کم کیا، لیکن ڈی پی ایس آر کے۔ پورم نے کنٹرول برقرار رکھا اور ایک آسان فتح حاصل کی۔
دوسرے میچ میں دہلی پبلک اسکول وسنت وہار نے سنسکرت اسکول کو 0-5 سے شکست دی۔ ابھیودیا سنگھ نے 6ویں، 26ویں اور 39ویں منٹ میں گول کرکے ہیٹ ٹرک مکمل کی۔ ایشان پانڈے نے 18 ویں منٹ میں اور ادنت ترویدی نے 24 ویں منٹ میں گول کرکے فتح کو یقینی بنایا۔
تیسرے میچ میں سینٹ فرانسس ڈی سیلز سینئر سیکنڈری اسکول نے اپنا شاندار دوڑ جاری رکھتے ہوئے ٹیگور انٹرنیشنل سکول کو 0-3 سے شکست دی۔ جونہ اسٹیفن تلریجا نے 5ویں اور 21ویں منٹ میں دو گول کیے جبکہ ہیروم پیرین نے 40ویں منٹ میں گول کرکے فتح پر مہر ثبت کی۔
اسٹیپ بائی اسٹیپ اسکول، نوئیڈا نے دی ایئر فورس سکول، سبروتو پارک کے خلاف سنسنی خیز مقابلے میں پنالٹی شوٹ آوٹ کے ذریعے کوارٹر فائنل کے لیے کوالیفائی کیا۔ مقررہ وقت کے اختتام پر میچ 1-1 کی برابری پر ختم ہوا۔ ونش گلاٹی نے چوتھے منٹ میں اسٹیپ بائی اسٹیپ کو برتری دلائی، جبکہ ارنب کشیپ نے 10ویں منٹ میں دی ایئر فورس اسکول کے لیے برابری کی۔ اس کے بعد کوئی بھی ٹیم فیصلہ کن برتری حاصل نہ کر سکی اور میچ پنالٹی شوٹ آو¿ٹ میں چلا گیا جہاں اسٹیپ بائی اسٹیپ 1-3 سے جیت گیا۔
دن کے پانچویں میچ میں مدرز انٹرنیشنل اسکول، دہلی نے ڈی اے وی پبلک اسکول، فرید آباد کو0 1- سے شکست دے کر آخری آٹھ میں جگہ بنالی۔ میچ کا واحد اور فیصلہ کن گول دھرو تلی نے 29ویں منٹ میں کیا۔
دن کے چھٹے میچ میں ماونٹ کارمل اسکول، دوارکا اور نیو گرین فیلڈ اسکول کے درمیان میچ مقررہ وقت میں بغیر کسی گول کے برابر رہا۔ آنے والے سنسنی خیز پنالٹی شوٹ آوٹ میں، ماونٹ کارمل نے 7-8 سے جیت کر کوارٹر فائنل میں جگہ بنا لی۔ دونوں ٹیموں نے میچ کے دوران متعدد مواقع پیدا کیے لیکن گول کرنے میں ناکام رہے۔ آخر کار، ماونٹ کارمل ایک قریبی مقابلہ میں شوٹ آوٹ میں غالب آ گیا۔
دن کے فائنل میچ میں، جی ڈی گوینکا اسکول، دوارکا نے ونے نگر بنگالی سینئر سیکنڈری اسکول کو 0-2 سے شکست دے کر دن کا اختتام ایک شاندار انداز میں کیا۔ کارتکیہ کشیپ چگ نے 12ویں اور 28ویں منٹ میں گول کرکے فتح کو یقینی بنایا۔
اورینٹل کپ 2026 میں اب ہفتے کے آخر میں دو دن کا وقفہ ہوگا۔ مقابلہ پیر 13 جولائی کو کوارٹر فائنل کے ساتھ واپس آئے گا۔ 7 سے 16 جولائی تک ڈاکٹر امبیڈکر اسٹیڈیم میں منعقد ہونے والے ٹورنامنٹ کے چوتھے ایڈیشن میں دہلی-این سی آر بھر کی 45 سے زیادہ ٹیموں کے 1,500 سے زیادہ طالب علم کھلاڑی حصہ لے رہے ہیں۔ اس سال، کل انعامی رقم دوگنی سے زیادہ کر دی گئی ہے اور 10 کھلاڑیوں کے لیے 2.5 لاکھ روپے کی اسکالرشپ اسکیم بھی متعارف کرائی گئی ہے۔
---------------
ہندوستان سماچار / عبدالسلام صدیقی
