نئی دہلی، 10 جولائی (ہ س)۔

آسٹریلیا کی باوقار بگ بیش لیگ (بی بی ایل) پہلی بار ہندوستان میں قدم رکھنے جا رہی ہے۔ بی بی ایل کا پہلا بین الاقوامی میچ دسمبر میں چنئی کے ایم اے چدمبرم اسٹیڈیم (چیپاک) میں کھیلا جائے گا۔ ٹورنامنٹ کی تاریخ میں یہ پہلا موقع ہو گا کہ آسٹریلیا سے باہر کوئی میچ ہو گا۔

مہینوں کی بات چیت کے بعد، اس تاریخی میچ کا باضابطہ اعلان جمعہ کو میلبورن کرکٹ گراو¿نڈ (ایم سی جی) میں منعقدہ ایک خصوصی تقریب میں کیا گیا۔ آسٹریلیا کے وزیر اعظم انتھونی البانی اور ہندوستانی وزیر اعظم نریندر مودی بھی موجود تھے۔ 12 دسمبر کو شیڈول میچ میلبورن رینی گیڈز کا مقابلہ پرتھ اسکارچرز سے ہوگا۔ یہ میچ 38 ہزار کی گنجائش والے چیپاک اسٹیڈیم میں کھیلا جائے گا۔ لیگ کے منتظمین کو امید ہے کہ کرکٹ شائقین چنئی میں ہونے والے اس تاریخی میچ کے لیے ا سٹیڈیم کو بھر دیں گے۔

بی بی ایل نے اس میچ کے لیے کرکٹ کیلنڈر میں ایک مخصوص وقت کا انتخاب بھی کیا ہے۔ آسٹریلیا میں میچ شام کو کھیلا جائے گا جبکہ بھارت میں دوپہر کو شروع ہوگا۔ یہ میچ پرتھ میں آسٹریلیا اور نیوزی لینڈ کے درمیان جاری ٹیسٹ میچ کے چوتھے دن کے کھیل کے فوراً بعد شروع ہوگا۔ اسے دنیا کی سب سے بڑی کرکٹ مارکیٹ، ہندوستان میں بی بی ایل کا پہلا قدم سمجھا جارہاہے، اور اسے لیگ کی عالمی توسیع کی جانب ایک اہم آغاز کے طور پر دیکھا جارہاہے۔

ہندوستھان سماچار

ہندوستان سماچار / عطاءاللہ