علی گڑھ،10 جولائی (ہ س)۔

سینئر سٹیزن پنشنرز سروس انسٹی ٹیوٹ، اتر پردیش کی ضلعی اکائی کی تشکیل کے لیے جمعہ کو ضلع خزانہ (ٹریژری) میں واقع پنشنرز دفتر میں اجلاس منعقد ہوا، جس میں متفقہ طور پرنئی ضلعی کمیٹی کا انتخاب عمل میں آیا۔

انتخابی افسر اور ریٹائرڈ اسسٹنٹ انجینئر اکھلیش کوشک کی صدارت میں منعقدہ اجلاس میں سریندر چودھری کو متفقہ طور پر ضلع صدر جبکہ دیویندر کمار شرما کو ضلعی وزیر منتخب کیا گیا۔ دونوں عہدیداروں کے ناموں کی اجلاس میں موجود تمام پنشنرز نے تائید کی۔

اجلاس سے خطاب کرتے ہوئے اکھلیش کوشک نے نومنتخب عہدیداروں کو مبارکباد دیتے ہوئے تنظیم کو مزید مضبوط اور فعال بنانے پر زور دیا۔ اس موقع پر فیصلہ کیا گیا کہ آئندہ ایک ماہ کے اندر ضلعی مجلسِ عاملہ کی تکمیل اور دیگر عہدیداروں کے انتخاب کا عمل مکمل کر لیا جائے گا۔

اجلاس میں شریک پنشنرز نے تنظیم کو مستحکم بنانے اور ریٹائرڈ ملازمین کے حقوق و مفادات کے تحفظ کے لیے متحد ہو کر کام کرنے کے عزم کا اظہار بھی کیا۔

ہندوستھان سماچار

ہندوستان سماچار / سید کامران علی گڑھ