سرینگر، 10 جولائی (ہ س)۔ جموں و کشمیر کے لیفٹیننٹ گورنرمنوج سنہا نے جمعہ کو بالتل بیس کیمپ میں امرناتھ یاترا کے انتظامات کا جائزہ لیا اور یاتریوں سے بات چیت کی۔

ایل جی سنہا نے کہا کہ انتظامیہ، بشمول پولیس، فوج، اوردیگرسیکورٹی ایجنسیوں نے اس بات کو یقینی بنانے کے لیے مل کر کام کیا ہے کہ یاترا محفوظ اور ہموار رہے۔انہوں نے کہا کہ عقیدت مندوں کی خوشگوار تجربے کے ساتھ واپسی کو یقینی بنانے کی ہرممکن کوشش کی جارہی ہے۔ انہوں نے کہا کہ انہوں نے ذاتی طور پر خیمہ بستی کا معائنہ کیا اور ڈیوٹی پر موجود افسران سہولیات کی مسلسل نگرانی کر رہے ہیں۔ انہوں نے کہا کہ مجھے یقین ہے کہ اس یاترا کو اس کے موثر انتظام کے لیے یاد رکھا جائے گا اور مجھے امید ہے کہ انتظامات مزید بہتر ہوتے رہیں گے۔ انہوں نے یہ بھی کہا کہ بالتال اور چندنواری میں ایک ایک، 100 بستروں پر مشتمل ہسپتال پچھلے تین سالوں سے کام کر رہے ہیں اور یاترا کے فرائض میں مصروف یاتریوں اور اہلکاروں دونوں کو بہترین ممکنہ طبی امداد فراہم کر رہے ہیں۔ہندوستھان سماچار

ہندوستان سماچار / Aftab Ahmad Mir