نئی دہلی، 10 جولائی (ہ س)۔

دہلی ہائی کورٹ نے بالی ووڈ اداکار راجپال یادو کو چیک باونس ہونے کے معاملے میں تین ماہ قید کی سزا سنائی ہے۔ جسٹس سورن کانتا شرما کی سربراہی والی بنچ نے یہ حکم جاری کیا۔ ہائی کورٹ نے 2 اپریل کو اپنا فیصلہ محفوظ کر لیا تھا۔سماعت کے دوران عدالت نے اس معاملے میں دونوں فریقوں کے درمیان صلح کرانے کی کوشش کی تھی لیکن یہ کوشش ناکام رہی۔16 فروری کو عدالت نے راجپال یادو کو 18 مارچ تک عبوری ضمانت پر رہا کرنے کا حکم دیا، 5 فروری کو ہائی کورٹ نے راجپال یادو کو کوئی ریلیف دینے سے انکار کرتے ہوئے انہیں فوری طور پر خودسپردگی کا حکم دیا، جس کے بعد راجپال یادو نے جیل میں ہی خودسپردگی کردی۔راجپال یادو کو کرکڑڈوما کورٹ نے چیک باونس کرنے کے معاملے میں قصوروار ٹھہرایا اور سزا سنائی۔ تاہم، جون 2024 میں ہائی کورٹ نے ان کی سزا کو معطل کر دیا۔ ہائی کورٹ نے فیصلہ سناتے ہوئے کہا کہ راج پال یادو عادتاً مجرم نہیںہیں اس لیے ان کی سزا معطل کر دی گئی۔دراصل ککڑڈوما کورٹ نے راجپال یادو کو چیک باونس کیس میں مجرم قرار دینے کے بعد ان پر 1.60 کروڑ روپے کا جرمانہ عائد کیا۔ عدالت نے راجپال یادو کی بیوی رادھا پر فی کیس 10 لاکھ روپے کا جرمانہ بھی عائد کیا۔ دونوں کو چیک باونس سے متعلق سات مقدمات میں سزا سنائی گئی۔شکایت کنندہ مرلی پروجیکٹ پرائیویٹ لمیٹڈ نے عدالت کو بتایا تھا کہ اپریل 2010 میں راجپال نے فلم ’اتا پتہ لاپتہ‘ کو مکمل کرنے کے لیے کمپنی سے مدد مانگی تھی۔ 30 مئی 2010 کو دونوں کے درمیان معاہدہ ہوا اور انہوں نے راجپال یادو کی کمپنی کو 5 کروڑ روپے کا قرض دیا۔ معاہدے کے مطابق راجپال کو سود سمیت 8 کروڑ روپے واپس کرنے تھے لیکن وہ پہلی بار یہ رقم واپس نہیں کر سکے۔ اس کے بعد دونوں کے درمیان تین بار معاہدے کی تجدید ہوئی۔ 9 اگست 2012 کو آخری معاہدے میں ملزم راجپال یادو نے شکایت کنندہ کو 11 کروڑ 10 لاکھ 60 ہزار 350 روپے واپس کرنے پر بھی رضامندی ظاہر کی تھی۔ راجپال یادو کی کمپنی یہ رقم بھی واپس کرنے میں ناکام رہی۔ہندوستھان سماچار

ہندوستان سماچار / Mohammad Khan