علی گڑھ, 10 جولائی (ہ س) علی گڑھ شہر میں پانی بھراؤ کی بڑھتی ہوئی مشکل کے پیش نظر میونسپل کارپوریشن نے نالوں پر قائم غیر قانونی تجاوزات ہٹانے کی مہم تیز کر دی ہے۔ میونسپل کمشنر پریم پرکاش مینا نے کہا کہ نالوں پر سلیب، دکانیں اور دیگر رکاوٹیں پانی کی نکاسی میں بڑی وجہ بن رہی ہیں۔

انہوں نے بتایا کہ حکومت نے شہر میں 3 نئے پمپنگ اسٹیشن قائم کرنے کی منظوری دے دی ہے، جنہیں رام گھاٹ روڈ، شاہ جمال اور سرائے رحمان علاقوں میں بنایا جائے گا تاکہ نکاسیٔ آب کا نظام مزید بہتر ہو سکے۔

کمشنر نے بتایا کہ سرائے رحمان پمپنگ اسٹیشن پر 1100 میٹر اور کیول وہار پمپنگ اسٹیشن پر 615 میٹر طویل پائپ لائن بچھانے کا کام آخری مرحلے میں ہے، جس سے پانی نکالنے کی صلاحیت میں نمایاں اضافہ ہوگا۔ انہوں نے متعلقہ محکموں کو نالوں پر تجاوزات کے خلاف فوری کارروائی کی ہدایت بھی دی۔

---------------

ہندوستان سماچار / سید کامران علی گڑھ