علی گڑھ, 10 جولائی (ہ س) علی گڑھ ترقیاتی اتھارٹی (اے ڈی اے) نے غیر قانونی تعمیرات کے خلاف اپنی مہم جاری رکھتے ہوئے کوارسی تھانہ علاقے میں کارروائی کے دوران 3 عمارتوں کو سیل کر دیا۔نائب صدر کلدیپ مینا کی ہدایت پر انفورسمنٹ ٹیم نے محمد کلیم عثمانی کی اس عمارت کو سیل کیا جو منظور شدہ نقشے کے برخلاف تعمیر کی گئی تھی۔ اسی طرح کوارسی بائی پاس پر میگھ سنگھ کی تجارتی عمارت کو بھی بغیر منظور شدہ نقشے کے تعمیر کرنے پر سیل کر دیا گیا۔ مہم کے دوران ایک اور غیر قانونی تعمیر کے خلاف بھی کارروائی عمل میں لائی گئی۔

اے ڈی اے کے مطابق نوٹس جاری کیے جانے کے باوجود قواعد پر عمل نہ ہونے کی وجہ سے یہ کارروائی کی گئی۔ کارروائی کے وقت جونیئر انجینئر منوج کمار شرما، سپروائزر شیام ویر سنگھ اور انفورسمنٹ ٹیم کے دیگر اہلکار موجود تھے۔

---------------

ہندوستان سماچار / سید کامران علی گڑھ