گوہاٹی، یکم جولائی (ہ س)۔ آسام پولیس نے براک وادی کے کریم گنج اور کچھار اضلاع میں کی گئی مشترکہ کارروائی کے دوران تقریباً 13 کروڑ روپے کی منشیات ضبط کی ہیں اور چھ افراد کو گرفتار کیا ہے۔

وزیر اعلیٰ ڈاکٹر ہیمنت بسوا سرما نے بدھ کے روز سوشل میڈیا پر کہا کہ جب کہ منشیات کے اسمگلروں نے دعویٰ کیا، یہ کاروبار ہے، آسام پولیس نے واضح جواب دیا: آسام میں نہیں۔

کارروائی کے دوران پولیس نے 49 ہزار 800 یابا گولیاں اور 535 گرام ہیروئن برآمد کر لی۔ پکڑی گئی منشیات کی بین الاقوامی مارکیٹ میں تخمینہ مالیت تقریباً 13 کروڑ روپے ہے۔

وزیراعلیٰ نے لوگوں پر زور دیا کہ وہ منشیات کے غیر قانونی کاروبار میں ملوث ہونے کے بجائے حکومت کی مختلف عوامی فلاحی اسکیموں سے فائدہ اٹھاتے ہوئے جائز ذریعہ معاش اپنائیں ۔ انہوں نے آسام اگینسٹ ڈرگس مہم کے تحت منشیات کے کاروبار کے خلاف سخت کارروائی جاری رکھنے کے ریاستی حکومت کے عزم کا اعادہ کیا۔

ہندوستھان سماچار

---------------

ہندوستان سماچار / عبدالواحد