علی گڑھ, 07 جون (ہ س) مرکزی حکومت کے 12 سال مکمل ہونے کے موقع پر علی گڑھ نگر نگم کی جانب سے 8 سے 10 جون تک مختلف علاقوں میں ’’سرکار آپ کے دوار‘‘ خصوصی کیمپوں کا انعقاد کیا جائے گا۔ ان کیمپوں کا مقصد عوام کو مرکزی و ریاستی حکومت کی فلاحی اسکیموں سے آگاہ کرنا اور اہل افراد کو ان سے مستفید کرانا ہے۔

نگر آیوکت پریم پرکاش مینا کی ہدایت پر منعقد ہونے والے ان کیمپوں میں مختلف محکموں کے افسران موجود رہیں گے اور عوامی مسائل کے فوری حل کی کوشش کی جائے گی۔ 8 جون کو ڈوری نگر پرجاپتی دھرم شالا، 9 جون کو سرکشا وہار پنچایت گھر اور 10 جون کو چندنیاں مرگھٹ امبیڈکر چھاترواس میں صبح 10 بجے سے شام 5 بجے تک کیمپ لگائے جائیں گے۔

اس کے ساتھ نگر نگم شہر کے مختلف علاقوں میں خصوصی صفائی اور بیداری مہم بھی چلائے گا، جس کے تحت صفائی، کچرا انتظام، صاف ماحول اور شہری ذمہ داریوں کے بارے میں عوام کو بیدار کیا جائے گا۔

نگر نگم انتظامیہ نے شہریوں سے اپیل کی ہے کہ وہ ان کیمپوں میں زیادہ سے زیادہ شرکت کرکے سرکاری سہولیات اور فلاحی اسکیموں کا فائدہ اٹھائیں۔

---------------

ہندوستان سماچار / سید کامران علی گڑھ