جموں، 30 جون(ہ س)۔

جموں میں منگل کے روز پیپلز ڈیموکریٹک پارٹی (پی ڈی پی) نے نیشنل کانفرنس حکومت کے خلاف زبردست احتجاجی مظاہرہ کیا اور حکومت پر نوجوانوں سے کیے گئے وعدے پورے نہ کرنے کا الزام عائد کیا۔احتجاج کے دوران پارٹی کے ترجمان آدتیہ گپتا نے کہا کہ نیشنل کانفرنس نے اسمبلی انتخابات کے دوران نوجوانوں کو ایک لاکھ سرکاری نوکریاں فراہم کرنے کا وعدہ کیا تھا، لیکن اب مبینہ طور پر 25 ہزار تقرریاں بیک ڈور اور آؤٹ سورسنگ کے ذریعے کی جا رہی ہیں۔انہوں نے الزام لگایا کہ بھرتی کے عمل میں نہ تو شفافیت اختیار کی گئی اور نہ ہی مقررہ ضوابط پر عمل کیا گیا، جس سے نوجوانوں کے ساتھ ناانصافی ہوئی ہے۔

پی ڈی پی نے اس معاملے کو بڑے پیمانے پر بدعنوانی کا مسئلہ قرار دیتے ہوئے غیر جانبدارانہ تحقیقات کا مطالبہ کیا۔ پارٹی کا کہنا ہے کہ جب تک حکومت اس معاملے پر وضاحت نہیں دیتی اور ذمہ داروں کے خلاف کارروائی نہیں کرتی، اس وقت تک احتجاج کا سلسلہ جاری رکھا جائے گا۔

ہندوستھان سماچار

ہندوستان سماچار / محمد اصغر